web counter
LEXO PA REKLAMA!

SHKARKO APP

App Store
Google Play

Halimi: Rama urdhëroi ndalimin e konsensusit, PD do i dërgojë Venecias qëndrimin e saj

15 Janar 2016, 15:37, Politikë CNA

Deputeti i Partisë Demokratike akuzoi kryeministrit Edi Rama se ka urdhëruar ndalimin e konsensusit për reformën në drejtësi. Nëpërmjet një deklarate për shtyp, Halimi u shpreh se sot u vërtetua se kush nga palët politike kërkon të kapë drejtësinë. Sipas Halimit, dërgimi i një drafti pa konsensus drejt Venecias tregon edhe një herë arrogancën e qeverisë. Deputeti Demokrat u shpreh se PD do ti dërgojë Venecias qëndrimin e saj mbi këtë draft.

Deklarata e plotë

Edi Rama urdhëroi sot deputetët e tij të mos pranojnë kërkesën e opozitës për hartimin e një drafti të vetëm konsensual sipas Komisionit të Venecias për Reformën në Drejtësi, që të shkonim bashkë bazuar në një konsensus sipas Venecias, dhe jo të ndarë.

Sot ishte dita kur palët politike hoqen maskat, kush ishte për Venecian dhe kush ishte kundër Venecias. Kush ishte për një konsensus sipas Venecias dhe kush ishte për kapje politike të drejtësisë me mazhorancën e pazareve.

Vendimi i sotëm i Ramës që dërgoi një draft të vetin, jo transparent, të pakonsultuar me askënd, të hartuar me urdhër politik, që injoron me arrogancë rekomandimet e Venecias, ishte dëshmi e vullnetit të keq për t?i ikur Venecias, për t?i ikur konsesusit sipas standardeve të Venecias.

Opozita tregoi edhe njëherë sot në komision, vullnetin e mirë për një reforme konsensuale bazuar në rekomandimet e Venecias, një reforme që bazohet ne standarde europiane që shmang çimentimin e kapjes politike sipas draftit të Ramës dhe që do shpjegohet pikë për pikë nga ekspertet e saj, në qëndrimin që do i dërgojë komisionit të Venecias. 





Lajmet e fundit nga