E fundit!

15:52 Kronika

Pezullohet nga detyra ish-drejtori i Policisë Shkodër/ Nuk pranoi postin e ri

Agjencia e Mbikëqyrjes Policore ka pezuluar nga detyra ish...

PD: Rama shkatërroi vendin, sot mban leksione për territorin

13 Janar 2016, 12:52, Politikë CNA

Partia Demokratike ka reaguar ashpër pas prezantimit të planit të zhvillimit vendor nga kryeministri Edi Rama. Nëpërmjet një deklarate për shtyp, PD thotë se Edi Rama shkatërroi Tiranën për 11 vite me radhë dhe nuk mund të ketë kuroajon të mbajë leksione për territorin.

Sipas PD, Rama i dha Kokëdhimës bregdetin, Besos parkun Rinia dhe ka planifikuar një tender abuziv për tjetërsimin e stadiumit kombëtar.

Deklarata e PD

Shkatërruesi i Tiranës për 11 vite, ai që mbolli pallate duke ndjekur 20 përqindëshin e duke nëpërkëmbur qytetarin, ai që kur Tirana më në fund u bë me plan zhvillimi e bllokoi atë, ai që i mohoi qytetarëve mijëra vende pune duke ndalur investimet strategjike dhe historike në kryeqytet, Edi Rama, ka sot kurajon dhe fytyrën të dalë e të mbajë leksione për territorin.

Njeriu që gëzon sipas institucioneve ndërkombëtare, 200 milionë euro rryshfete pallatesh, ky që lejoi ndërtuesin e tij personal të kafshojë Parkun e Tiranës, ky që lejon Kokëdhimën të zaptojë bregdetin, ky që i jep Besos së tij nëntokën e Parkut Rinia; ky që bekon ndërtimin pa leje të zonës muzeale të Tiranës nga Xhillari i tij, ky që ka planifikuar tenderin tjetër korruptiv për tjetërsimin e Stadiumit Kombëtar me klientët e tij, ky që ka shtrirë tentakulat e interesave të tij personale e financiare në çdo tokë e truall me anë të firmave dhe studiove të tij, del sot e propagandon për zhvillimin e territorit.

Edi Rama e ktheu bashkinë në laborator të kalkulimeve politike personale e financiare, në lavatriçe të larjes së parave të krimit të organizuar dhe bandave të lidhura me të. Ai nuk mbajti kurrë përgjegjësi për krimet në territor e në mjedis duke korruptuar e blerë Strakoshat e tij në Gjyqësor e prokurori.

Teksa del e predikon të kundërtën e saj që ka bërë vetë që ditën e parë në pushtet, Edi Rama me shfaqjen e rradhës po fsheh një pazar tjetër të madh me të ashtëquajturin plan të zhvillimit të territorit.