web counter
LEXO PA REKLAMA!

SHKARKO APP

App Store
Google Play

Tahiri: Regjistrimi i emigrantëve, hap konkret për të garantuar të drejtën e votës

11 Janar 2016, 13:37, Politikë CNA

Qeveria Shqiptare në mbledhjen e sotme miratoi pr/ligjin për krijimin e regjistrit të emigrantëve, që i hap rrugë votimit të emigrantëve, si dhe ka miratuar marrëveshjen me Bankën Europiane për Zhvillim Ekonomik (BERZH).

Lajmi u bë i ditur nga ministri i Brendshëm, Saimir Tahiri dhe ministri i Jashtëm, Ditmir Bushati. Në deklaratën për mediat, ministri Tahiri tha se ky pr/ ligj është ka një rëndësi thelbësore, pasi i jep mundësi qeverisë të njihet me numrin dhe vendodhjen e tyre, por edhe me problematikat.

?Ka një rëndësi thelbësore ky pr/ligj, pasi i jep mundësi qeverisë të njihet realisht me numrin e emigrantëve, të njihet me vendndodhjet e tyre, si edhe me problematikat që ata kanë, duke na dhënë mundësi të hartojmë politika edhe për to?, tha ministri Tahiri.

Më tej, Saimir Tahiri u shpreh se regjistrimi i emigrantëve do të krijojë kushte të favorshme për ndërtimin e një plani për të garantuar votën e tyre.

?Regjistri për shqiptarët që jetojnë jashtë është një hap konkret për të garantuar të drejtën e votës për ta. Ligji hedh bazat për të gjithë gamën e shërbimeve për shqiptarët që jetojnë jashtë Shqipërisë dhe hapin e parë për garantimin e së drejtës së votës?, tha ministri i Brendshëm, Tahiri.





Lajmet e fundit nga