web counter
LEXO PA REKLAMA!

SHKARKO APP

App Store
Google Play

E fundit!

x

Erion Veliaj krenohet me punën e Lulzim Bashës

10 Janar 2016, 12:53, Politikë CNA

 Këshilltarët e Partisë Demokratike në Bashkinë e Tiranës kanë akuzuar sot kryebashkiaun Erion Veliaj si një mashtrues i cili krenohet me punët e të tjerëve. Nëpërmjet një deklarate për shtyp, këshilltarët e PD-së, janë shprehur se Erion Veliaj po krenohet me projektin e Bulevardit të Ri të Tiranës, i cili u hartua në kohën kur në krye të Bashkisë ishte Lulzim Basha.

?Pasi braktisi qytetarët në kulmin e përmbytjeve dhe i la në mëshirë të fatit për një udhëtim turistik ne Srilanka, kryemashtruesi i Bashkisë se Tiranes mburret me punët e të tjerëve sepse për vete s’ka asnjë bilanc në 5 muaj. Projekti i Bulevardit të Ri, sigurimi i fondeve, nisja dhe avancimi i punimeve u kryen tërësisht nga administrata Basha. Veliaj dhe shefi i tij të nxirë nga smira e bllokuan për dy vjet në mënyrë antiligjore dhe kriminale këtë projekt dhe mijëra vende të reja pune që hapeshin përmes tij.?, thuhet në deklaratën për shtyp

Gjithashtu, në deklaratën e tyre për shtyp, këshilltarët e PD-së, kanë akuzuar Veliajn për miratimin e rritjes së cmimit të biletës së transportit urban si dhe për dhënien me koncesion të parkingut në te Tajvani.

“E vetmja punë e Veliajt në Bulevardin e Tiranës është reduktimi i gjelbërimit. Nga një sipërfaqe sa 7 herë Parku Rinia, Veliaj siç e ka deklaruar vetë e ka reduktuar në një sipërfaqe sa 5 herë Parku Rinia. Pra një siperfaqe sa 2 herë Parku Rinia do të betonizohet përkundrejt  rryshfetit për Veliajn dhe shefin e tij. 
Tashmë s?ka qytetarë të Tiranës që nuk e di se kryemashtruesi i Tiranës ndryshe thotë e ndryshe bën. Siç ndodhi me çmimin e biletës ku u betua dhe përbetua se nuk do ta rriste por as 24 orë më pas pasi siguroi rryshfetin e dëshiruar rriti çmimin e biletës për qytetanët e Tiranës. Plot 6 milionë dollarë në vit vetëm nga ky pazar do të ndajë me klintet e e tij Veliaj. Pazari me pronat publike dhe pasuritë e qytetarëve është e vetmja punë e Veliajt në 5 muaj”, përfundon deklarata

 





Lajmet e fundit nga