web counter
LEXO PA REKLAMA!

SHKARKO APP

App Store
Google Play

Basha: Rama e hoqi maskën, kërkon të kapë drejtësinë

11 Janar 2016, 13:25, Politikë CNA

Kreu i Partisë Demokratike, Lulzim Basha zhvilloi sot një takim me ekspertët e kësaj partie për reformën në drejtësi. Në një prononcim për mediat pas takimit, Basha akuzoi kryeministrin Edi Rama për tentativën e kapjes së drejtësisë. Sipas Bashës, kryeministri  ka urdhëruar zhbërjen e kompromisit, duke insistuar me kokëfortësi në shumicën me 3/5 për emërimet në institucione. Basha deklaroi se me këtë qëndrim, kryeministri e hoqi maskën, duke treguar se nuk e do reformën në drejtësi.

?Rekomandimi 55 i Komisionit të Venecias dikton qartë se vendimet dhe emërimet në institucionet e ardhme nuk mund të merren nga një shumicë e cilësuar që disponon tashmë kjo mazhorancë. Me ndihmën e ekspertëve ndërkombëtarë u arrit një formulë kompromisi, por ekspertët e Edi Ramës u tërhoqën dhe të nesërmen u zhbë formula e kompromisit e të shtunës dhe me kokëfortësi u insistua në shumicën me 3/5 që është shumica që disponohet nga Rama-Meta. Në këto kushte duket qartë se për më shumë se një vit Edi Rama ka qenë de facto pengesa kryesore për reformën në drejtësi.?- deklaroi Basha. Ndryshe nga Edi Rama ne kërkojmë që as qeveria e sotme e Ramës dhe Metës as qeveria e nesërme të mos kenë mundësi të diktojnë vendime. Ky është vullneti ynë. Por në të njëjtën kohë vullneti im dhe i PD-së është të mos lejojmë kapjen politike. Jemi gati të rinisim një betejë pa kthim?, us hpreh Basha
 





Lajmet e fundit nga