web counter
LEXO PA REKLAMA!

SHKARKO APP

App Store
Google Play

E fundit!

x

Ilir Beqaj merr nga arka e shtetit 1 miliardë e 300 milionë lekë

14 Janar 2016, 13:06, Politikë CNA

Deputeti i Partisë Demokratike, Luçiano Boçi ka akuzuar ministrin e Shëndetësisë, Ilir Beqaj, se ka marrë nga arka e shtetit 1 miliardë e 300 milionë lekë. Sipas Boçit, arka e shtetit kaloi tek firma e Beqës shumën në fjalë ditën e vitit të ri, më 31 dhjetor. Deputeti Demokrat, tha nëpërmjet një konference për shtyp se ministri i Shëndetësisë ka arritur të përfitojë përmes kompanisë së tij private ?Intech plus? 12 milionë dollarë në 3 vite.

Deklarata për shtyp e Luçiano Boçit

Ndërkohë që gjendja në spitale është skandaloze, më kritike se kurrë, ku qytetarët nuk marrin shërbimet e duhura, mungojnë medikamentet dhe radhët e prindërve, fëmijëve të vegjël dhe të moshuarve janë dramatike, me pamjet që kanë dalë në media, biznesi i Ilir Beqës njeh rritje.

Qeveria ka menduar që kampioni i korrupsionit, të marrë një pako të mirë me para edhe ditën e vitit të ri.

Mund të ishin mbyllur sportelet me 31 dhjetor, por jo arka e shtetit për Ilir Beqën, që kaloi tek firma e tij private 1 miliardë e 300 milionë lekë.

Kur mijëra familje në vend, nuk gëzonin dot natën e vitit të ri prej varfërisë, mungesës së gjelit të tavolinat e tyre, Ilir Beqa i kishte shtuar pasurisë së tij edhe 1 miliardë e 300 milionë lekë.

Teksa numri i tenderave për Intech plus, kompania e themeluar nga Beqja, shtohet çdo ditë, paratë e marra nga taksat e shqiptarëve kanë kaluar shumën 12 milionë dollar.

Ky është korrupsioni i thellë e i pandalshëm i kësaj qeverie, i Edi Ramës dhe 40 hajdutëve të tij.

Kjo hajdutëri prej 3 vitesh sundon vendin, varfëron shqiptarët dhe pasuron Edi Ramën e ministrat e tij.

Ky është viti i fundi i kësaj klike zhvatëse.

Qytetarët, populli është në këmbë për të ndalur vjedhjen, abuzimin, plackitjen e parave dhe pasurisë së shqiptarëve.





Lajmet e fundit nga