Artan Hoxha: Fevziu s’e dinte që do nxirrja përgjimin, nuk kisha besim se më lejonte

13 Janar 2016, 19:49, Aktualitet CNA

Rikthimi i çështjes Çez- DIA nga gazetari Artan Hoxha ka qenë në fokus të Zululand këtë të mërkurë.

I ftuar i Mustafa Nanos ka qenë vet gazetari Hoxha, i cili së fundmi ka publikuar disa përgjime të reja nga Prokuroria, që sipas tij tregojnë qartë implikimin e kreu të Kuvendit Ilir Meta, në çështjen e Çez- DIA-s.

Hoxha tha se atij prej kohësh i kanë rënë në dorë transkriptet e përgjimeve, por nuk kishte ku t?i nxirrte.

Gazetari tha se media në vend është e kapur nga politika dhe se i është dhënë më tepër akses për të folur në mediat jashtë vendit si Zëri i Amerikës. Në debat Mustafa Nano iu kundërpërgjigj duke i thënë se VOA bën gazetari fantastike sa herë që Berisha nuk është në pushtet.

Hoxha tha se ne kërkojmë ndryshim të elitës politike, ndërsa elita mediatike ka mbetur e njëjtë, madje disa prej tyre sot kanë pasuri dhe vila që shkojnë deri në 1 milionë euro.

Biseda më tej devijoi duke shkuar tek çështja Doshi, për të cilën gazetari Hoxha tha se ajo nuk ishte një çështje që e nxorri ai, por u shpreh se i qëndron mendimit se në atë histori ka element që dëshmojnë për akte kriminale.

?Një nga spekulimet që bëhet është pse në këtë moment .Tani më ftoi Fevziu nuk kisha ku ta nxirrja. Fevziu nuk e dinte fare. Nuk e kam vënë në dijeni, sepse nuk kisha besim se po ta dinte do më lejonte ta nxirrja. E pyeta vetëm nëse ishte live emisioni?, u shpreh Hoxha në Zululand.

Nano shtoi se kjo ngjarje vet ka disa implikime politike, pasi ka të bëjë me momentin politik aktual, pas nismës për reformimin e gjyqësorit. Mustafa Nano i tha Hoxhës, se ka një përkim interesant mes denoncimit që ai ka bërë dhe qëndrimit që ka mbajtur së fundmi LSI se kjo Reforma në Drejtësi nuk duhet të bëhet pa PD-në.

?Kjo reformë nuk duhej të ulej në tryezën politike. Ajo është çështje tipike ekspertësh, sepse nëse vendoset në tavolinë dhe kjo është përpjekja që po bëhet. A e di pse bëhet gjithë kjo rezistencë, edhe PD edhe LSI, sepse duan të dinë kush do të jetë Prokurori i Përgjithshëm. Dhe ai që do të jetë Prokuror i Përgjithshëm kur të hapë këtë dosje do shoh se aty nuk është vetëm Ilir Meta, është edhe Sali Berisha, edhe Rama?, tha Hoxha.

Emisionin e plotë e ndiqni në linkun e mëposhtëm: