web counter
LEXO PA REKLAMA!

SHKARKO APP

App Store
Google Play

PS-LSI drejt divorcit? Rama anulon darkën me Metën

13 Janar 2016, 13:49, Aktualitet CNA

Mes dy partive qeverisëse PS dhe LSI duket se nuk ekziston më i njëjti bashkëpunim si në fillimin e qeverisjes. Darka më e e madhe për festën e vitit të ri, e planifikuar mes deputetëve të të dyja partive është anuluar.

Kjo është bërë e ditur nga një njoftim i zyrës së kryeministrit, e cila njofton anulimin e darkës që do të mbahej më 14 janar. Arsyet nuk bëhen të ditura.

?Duke ju uruar session të mbarë ju bëjmë me dije se darka e ditës së nesërme (14 janar2016) e cila do të organizohej me rastin e vitit të ri, nën kujdesin e Kryeministrit dhe Kryetarit të Kuvendit është anuluar?, shkruhet në njoftimin e kryeministrisë, i publikuar nga lapsi

Kjo darkë është shtyrë disa herë dhe sot u njoftua për anulimin e saj. Duket se marrëdhëniet mes PS dhe LSI po shkojnë drejt fundit. Këtë gjë e vërteton edhe anulimi i takimit të sotëm mes Ramës dhe Metës, i cili zhvillohet cdo të mërkurë në Kryesinë e Kuvendit, arsyet e së cilës janë ende të pashpjeguara.

Duket se reforma në drejtësi por edhe skandali i përgjimeve të biznesmenit Kastriot Ismailaj, ku Ilir Meta shfaqet si personi që i kërkon 200 mijë euro biznesmenit, kanë shtyrë përcarjen e koalicionit të majtë.

Kjo çështje është edhe zanafilla e çarjes së tyre, që daton në prill të vitit 2015, kur nga Task Forca e Prokurorisë, prokurori Kostaq Beluri urdhëroi rihapjen e hetimeve për Ismailajn.

Tashmë, vendi po shkon drejt një krize politike dhe duket se e vetmja mënyrë për të zgjidhur ngërçin politik janë zgjedhjet e parakohshme.





Lajmet e fundit nga