web counter
LEXO PA REKLAMA!

SHKARKO APP

App Store
Google Play

E fundit!

x

Pse Ben Blushi mund të jetë kryeministër i Qeverisë Teknike ?

13 Janar 2016, 07:42, Aktualitet CNA

Ngërci për reformën në drejtësi midis 3 partive kryesore, mund të shtyjë kryeministrin Edi Rama të cojë draftin në referendum popullor. Sipas analizës së ?Koha Jonë??, së bashku me referendumin do të zhvillohen edhe zgjedhjet e reja nga një qeveri teknike e drejtuar nga Ben Blushi.

?Koha Jonë? shkruan se nëse Edi Rama nuk e pranon për shqyrtim draftin e propozuar nga ministri Manjani, LSI do të shkëputet nga qeveria dhe vendi shkon në zgjedhje të parakohshme.  Edi Rama do të mundohet të gjejë bishta votash nga partitë e vogla, por në të gjitha rastet nuk arrin ,sepse LSI, PD dhe një pjesë e PDIU me partitë e tjera në parlament kërkojnë mocion mosbesimi duke paraqitur edhe emrin e kryeministrit të ri në sallën e parlamentit. Kështu e ka Kushtetuta. Dhe emër me publik e më shkatërrues nervash për Ramën nuk ka se sa Ben Blushi.

Analiza e ?Koha Jonë? shkon edhe më tej. “Qeveri me mandat të përcaktuar për të kaluar në referendum draftet e partive politike si dhe zgjedhje politike në një ditë. Zgjedhjet i drejton qeveria teknike dhe pastaj varet se cilen parti voton si të parë, populli.Por në të gjitha rastet PS-ja po shkoj në zgjedhje nuk i fiton aq deputetë sa kishte në qershor 2013, në mos shumë me pak se sa atëhere. Edhe nëse del parti e parë nuk bën dot qeverinë që do të thotë se PD, LSI, PDIU, PR, LZHK, PBDNJ, PDK do të bëjne qeverinë e re.

Kjo skemë ndodh nëse Rama nuk pranon fare për draftin e LSI dhe për konsensus siç flet Meta, edhe me PD-në. Por nëse tërhiqet dhe pranon konsensus, edhe me PD-në, atëhere ai shpëton karriken e tij, porse kredibiliteti politik i merr rrënim total, sepse nuk e bëri që në fillim anën konsensuale. Jo pse e bëri konsensus, pasi njërëzit e duan marrëveshjen mes tre partive kryesore, natyrisht pas një debati publik, por pse nuk u tregua vizionar e bashkëpunues.

Por Kryeministri dukej, deri dje, shumë kokëfortë për të mos e shqyrtuar fare draftin e ministrisë së drejtësisë.”, shkruan e përditshmja

 





Lajmet e fundit nga