web counter
LEXO PA REKLAMA!

SHKARKO APP

E fundit!

x

PD kundër Top Channel

12 Janar 2016, 19:40, Aktualitet CNA

Partia Demokratike, përmes një deklarate për mediat, ka shprehur se televizioni Top Channel ka dizinformuar rreth qendrimit të opozitës për reformën në drejtësi. Në deklaratën e selisë blu, thuhet se redaksia e Top Channel-it ka shpërndarë një mashtrim të gatuar në zyrat e propagandës qeveritare lidhur me mospjesmarrjen e opozitës në komisionin parlamentar të reformës në drejtësi.

Reagimi i Partisë Demokratike

Në mënyrë të përsëritur redaksia e lajmeve të Top Channel, duke dëshmuar servilizëm të verbër në shërbim të Edi Ramës dizinformon rreth qendrimit të opozitës për reformën në drejtësi. Sot kjo redaksi ka shpërndarë një mashtrim të gatuar në zyrat e propagandës qeveritare lidhur me mospjesmarrjen e opozitës në komisionin parlamentar të reformës në drejtësi. Asnjë shërbim i porositur nga Edi Rama nuk mund të zbehë apo dizinformojë mbi vendosmërinë e opozitës për reformimin e sistemit të drejtësisë dhe as për vullnetin e saj për të mos lejuar kapjen politike të drejtësisë nga Edi Rama dhe qeverisja e tij e korruptuar dhe kriminale.

 

 

 





Lajmet e fundit nga