web counter
LEXO PA REKLAMA!

SHKARKO APP

App Store
Google Play

Manjani: Nuk e miratojmë reformën në Drejtësi pa Partinë Demokratike

12 Janar 2016, 22:09, Aktualitet CNA

Ministri i Drejtësisë Ylli Manjani ka deklaruar se Reforma në Drejtësi nuk mund të miratohet pa praninë e Partisë Demokratike. Në një intervistë për studion e Abc News, Manjani u shpreh nuk mund të bëhet dot reformë afatgjatë, e qëndrueshme dhe e besueshme pa Partinë Demokratike.

?Jam shpresëplotë, nëse do kemi një process, madje e kemi detyrim ta kemi, nuk është me nëse, është detyrim, absolutisht detyrim ndërkombëtar, që vjen edhe nga Venecia, për të bërë një ushtrim politik parlamentar, mes partive parlamentare, për të gjetur konensusin dhe jam i bindur se e gjejmë konsensusin. Sepse nuk janë tema që na ndajnë. Ok, duhet te reformojmë institucionin e vendimmarrjes së gjykatësve për të luftuar korporatizmin, jemi të gjithë dakord. Duam të luftojmë korrupsionin në gjyqësor, jemi të gjithë dakord. Duam të ndërtojmë një gjyqësor që të fusë në burg, jo vetëm ish ministrat, por edhe ministrat e sotëm. Të hetojë, të arrestjë dhe të çojë para gjyqit këdo që shkel ligjin.

Nuk është proces, nëse mungon PD. Duhet të jetë PD. Si mund të shkohet në votim? Te cili votim do shkojmë? Ne e kemi qëndrim politik këtë gjë. Në nuk e shohim PD si nevojë numrash. Ne e shohim PD si nevojë për ti dhënë mbështetje politike reformës më të rëndësishme për shtetin. Nuk bëjmë dot reformë afatgjatë, të qëndrueshme dhe të besueshme pa Partinë Demokratike.? tha Manjani.

Ministri i LSI pranoi se nuk ka ende consensus as midis dy partive në qeveri. ?Nuk jemi ende aty, tha Manjani, dhe nuk e kemi kompleks ta pranojmë këtë.? Duke theksuar nevojën për konsensus, Manjani mohoi mundësinë që të blihen deputetë nga opozita për të bërë numrat për ndryshimin e Kushtetutës.

 





Lajmet e fundit nga