E fundit!

20:58 Aktualitet

FOTOLAJM/ Pankartat "pikante" në protestën e 46 kundër qeverisë

Vijon protesta e 46 para Kryeministrisë. Protestuesit vijo...

Shënim/ Çfarë i duhet FRPD një biznesmeni afër Edi Ramës?

30 Nëntor 2015, 19:06, Aktualitet CNA

Nuk ka më as një dyshim se një bisnesmen afër kryeministrit Edi Rama është përfshirë në deformimin e garës brenda FRPD-së. Me zë dhe më figurë disa media online posedojnë dëshmi se si një universitet privat premton bursa në këmbim të votës për Ervin Salianjin. Vetë pronari i këtij universiteti i cili shpëtoi prej falimentimit falë Edi Ramës dhe ligjit që ai diktoi për Arsimin e Lartë, prej dy ditësh është investuar edhe publikisht duke sulmuar kandidatin rival në disa drejtime.

Gazeta e tij ka prodhuar një lajm ku e lidh rivalin e kandidatit të Henri Çilit me Prefektin e Kukësit. Lajm që është përgenjështruar me shpejtësi nga Prefekti i Kukësit duke akuzuar autorët e lajmit se i kanë hakeruar faqen në FB. Po sot është bërë një tjetër fotomontazh i një fotoje të Belind Këlliçit me Lulzim Bashën e disa anëtarë të FRPD. Është prerë koka e Bashës dhe në vend të saj është vendosur ajo e Erion Veliajt. Një portal ka publikuar foton origjinale duke nxjerrë në dritën e diellit këtë sulm të paprecedent ndaj rivalit të kandidatit të Henri Çilit. Ja foto:

Vetëm para pak kohësh Edi Rama arrestoi disa studentë pse e goditën me vezë. Të gjithë aspirantët për drejtues të FRPD reaguan në mbështetje të studentëve duke qëndruar edhe përpara Drejtorisë së Policisë ku mbaheshin të ndaluar bashkmoshatarët e tyre. Përveç njërit. Kandidatit të Henri Çilit, Ervin Salianji. Ky i fundit nuk kishte leje t?i bashkohej protestës për lirimin e studentëve të ndaluar, pasi ata ishin kundër ligjit të Arsimit të Lartë, e për këtë kishin hedhur edhe vezë në drejtim të Edi Ramës. Në drejtim të atij që e shpëtoi Henri Çilin nga falimentimi i sigurtë.

Dy pyetje mund të shtrohen në fund të këtij konstatimi:

E para, pse i duhet FRPD biznesmenit afër Edi Ramës?

E dyta, kryetari i PD-së, Basha me siguri e di se një biznesmen afër Edi Ramës është përfshirë në blerje votash. Pse nuk po ndërhyn Lulzim Basha?

Së fundi, meqënëse Henri Çili shprehej dje se rivali i Salianjit ishte pa nivel dhe kandidati i tij (Ervin Salianji) kishte kryer studimet në një prej universiteteve më të mira të Europës (UET), po ju risjellm një video ku tregon ?elekuencën? e studentit të një prej universiteteve më të ?mira? në Europë.

[youtube url=”https://www.youtube.com/watch?v=xHDkHvk0hHw” width=”560″ height=”315″]

Pyetja përsëri është: Pse i duhet FRPD biznesmenit afër Edi Ramës?/syri.net