web counter
LEXO PA REKLAMA!

SHKARKO APP

E fundit!

x

Presidenti Nishani merr pjesë në Konferencën për Ndryshimet Klimatike në Paris

30 Nëntor 2015, 16:02, Aktualitet CNA

Presidenti i Republikës,  Bujar Nishani, me ftesë të Presidentit të Francës, François Hollande dhe Ministrit të Jashtëm francez, njëkohësisht President i Konferencës së Palëve për Ndryshimet Klimatike COP21, Laurent Fabius, mori pjesë sot në Takimin e Udhëheqësve Botërorë për Ndryshimet Klimatike, organizuar në Paris, me pjesmarjen e rreth 160 Kryetarë Shtetesh dhe Qeverish.

Presidenti Nishani në mesazhin e tij drejtuar këtij Takimi shprehu angazhimin e Shqipërisë për të ardhmen e përbashkët të planetit tonë dhe marrjen e përgjegjësive kombëtare përmes vënies në efiçencë të burimeve kombëtare.

Kreu i Shtetit theksoi gjithashtu se Shqipëria mbështet arritjen e një Marrëveshje universale, duke bërë përpjekjet maksimale për realizimin e objektivave të përcaktuara në Kontributin Kombëtar të Synuar (INDC).

Gjithashtu, Presidenti Nishani theksoi se institucionet shqiptare po punojnë për përgatitjen e një strategjie kombëtare për adresimin e ndryshimeve klimatike në linjë të plotë me politikat e Bashkimin Evropian.

Gjatë pjesëmarrjes në këtë Takim shumë të rëndësishëm, Presidenti Nishani u takua dhe bisedoi me Krerë të Ndryshëm Shtetesh e Qeverish.





Lajmet e fundit nga