Ornela Liperi e “Monitor”, nxjerr bllof Ministrinë e Financave

30 Nëntor 2015, 15:34, Aktualitet CNA

Ditën e sotme në Revistën Monitor është publikuar një lajm nëpërmjet të cilit tregohet se Ministria e Financave po përgatit një draft, i cili ka për qëllim gjobitjen e kompanive të sheqerit deri në 37 milionë euro nëse ato kapen me 100 ton sheqer të pa shoqëruara me faturë tatimore. Lajmi shqetësoi opinion publik, i cili priste një reagim nga Ministria e Financave për këtë çështje.

Artikulli i “Monitor” http://www.monitor.al/udhezimi-i-procedurave-nese-biznesi-kapet-me-100-ton-sheqer-pa-fature-penalitetet-arrijne-37-milione-euro/

Në fund reagimi erdhi nëpërmjet zëdhënësit të Ministrisë së Financave, Bardhi Sejdarasi. Në një postim në rrjetet sociale, Sejdarasi e përgënjeshtroi këtë lajmë duke shkruar se diçka e tillë është e pavërtetë, duke siguruar se ky penalitet nuk ekziston.

Postimi i Bardhi Sejdarasit

Te gjithe ata qe me shkruan dhe me telefonuan sot nga mengjesi deri tani (botues mediash, gazetare, biznesmene etj), duke me referuar nje lajm te botuar nga nje media “ekonomike” , sipas te cilit, mund te paguash 37 milione euro penalitete nese ke ne magazine 100 ton sheqer pa fature tatimore, iu them te mos shqetesohen: eshte e njejta media qe raportoi ca dite me pare se akciza e veres rritet 78%! Ne fakt vera e rriti akcizen vetem ZERO %!

Faktet e publikuara nga Ornela Liperi

Kryeredaktorja e Revistës Monitor, Ornela Liperi, vetëm pak pas postimit të Sejdarasit, i cili e përgënjeshtroi lajmin, i kthen atij përgjigje me dokumente të faktuara. Liperi ka postuar draft udhëzimin që Ministria e Financave po përgatit për penalitetet absurde, duke e nxjerrë bllof Sejdarasin dhe Ministrinë e Financave. Liperi shkruan se kjo nuk është hera e parë që MF përgënjeshtron lajme që kanë dalë nga vetë ajo.

Postimi i Liperit

Per te gjithe ata qe ende besojne se “media ekonomike” mund te sajoje apo shpike materiale ne emer te financave, ja ku eshte draft udhezimi qe po pergatitet dhe pjesa e llogaritjes se rivleresimit tatimor per bizneset qe kapen me mall te pashoqeruar me fature (mund ta gjykoni vete shembullin). Nuk eshte hera e pare, qe Ministria pergenjeshtron materiale qe kane dale nga vete ajo. MINISTRIA ESHTE INSTITUCION SERIOZ DHE DUHET TE MBAJE PERGJEGJESI PER MATERIALET QE VETE HARTON, EDHE KUR ATO JANE KAQ TE PABESUESHME.