E fundit!

21:36 Politikë

Protestuesit e larguan nga protesta/ Zmbrapset Shehaj

Një ditë më parë protestuesit e larguan nga protesta kreun...

Akuza ndaj ish gruas së Sokol Ballës

30 Nëntor 2015, 06:55, Aktualitet CNA

Ish gruaja e Sokol Ballës, Belinda Balluku, e cila është drejtoresha e ?Albcontrol?, akuzohet për abuzime me tenderat që kanë lidhje me godinën e ?Albcontrol?. Ky tender për rikonstruksionin e kësaj godine kap vlerën e 700 milionë lekëve dhe Belinda Balluku është personi që ka përcaktuar kriteret ekstra për shpalljen e fituesit, raporton RD. Hapja e ofertave për fondin limit 70.164.603 lekë pa TVSH u bë të premten e shkuar të datës 20 nëntor 2015, ndërsa fituesi u shpall të hënën. Kjo hedh dyshime të forta mbi përzgjedhjen e fituesit në bazë të kritereve pasi për të përcaktuar fituesin mjaftuan vetëm tre ditë, dy prej të cilave janë pushim. Sipas të përditshmes Rilindja Demokratike, kjo aferë merr hije dyshimi pasi kriteret e vendosura janë të përshtatshme për tendera ?Ndërtim rruge?, ?autostrada? etj., dhe jo ?rikonstruksion godine? me vlerë 70.000.000 lekë.

Pjesëmarrësit në këtë tender, të habitur nga nxitimi për ta përzgjedhur fituesin në ditët e pushimit javor (e shtunë dhe e dielë) dhe për ta shpallur fituesin vetëm pas tre ditësh (të hënën) thonë se kriteret ishin përjashtimore që në nisje, pasi ato aplikohen për tendera me vlerë mbi 2 miliardë lekë dhe jo për 700 milionë si në rastin e rikonstruksionit të godinës administrative të “Albcontrol”. Njëri nga këto kritere abuzive është përcaktimi i dy inxhinerëve ndërtimi si zbatues të këtij projekti fasade, ndërkohë që edhe në kantierët e mëdha kërkohet vetëm një i tillë.

Një tjetër kriter abuzues është përcaktimi i personit me licencë projektimi, kur për çdo rast projektimi i përket një tjetër faze tenderimi dhe mbyllet para tenderit të zbatimit.
Gjithashtu, vendosja e kriterit që operatori ekonomik të paraqesë çertifikatë ISO është kryer me synimin e vetëm për të eliminuar konkurrencën në këtë tendër. Po ashtu dhe përcaktimi i 9 llojeve makineri e pajisje të ?domosdoshme? për fasadën e “Albcontrol”, të gjitha të nevojshme për ndërtim rrugësh dhe jo për rikonstruksion godine.