web counter
LEXO PA REKLAMA!

SHKARKO APP

App Store
Google Play

Basha: Koha e kësaj qeverie ka mbaruar, të gjithë në protestën e 8 dhjetorit!

24 Nëntor 2015, 18:14, Aktualitet CNA

Kreu i Partisë Demokratike, Lulzim Basha ka ftuar qytetarët të marrin pjesë në protestën e 8 dhjetorit. Përmes një postimi në rrjetin social Facebook, Basha shprehet se koha e kësaj qeverie ka mbarur dhe se është koha për të hapur një kapitull të ri. Kryetari i opozitës shkruan se protesta do të organizohet në Tiranë.

Postimi i plotë i kreut të PD-së, Lulzim Basha:

Në qoftë se mendoni se koha e kësaj qeverie ka mbaruar, se është koha për të hapur një kapitull të ri, se është koha për të bërë atë që bën çdo popull europian kur qeveria e braktis, e vjedh dhe e shkel me këmbë atëherë ju ftojmë me 8 dhjetor në marshimin e protestës në Tiranë për ti dhuruar një përballje pa kthim deri në largimin e kësaj qeverie kusarësh, hajdutësh dhe banditësh.

Me 8 dhjetor për të gjithë ata që kanë shpresuar se do të kishin një vend pune, kuptojnë se sot u mbyllën edhe ato vende pune që ekzistonin.

Me 8 dhjetor për të gjithë ata që u gënjyen për ulje taksash dhe që sot kruajnë xhepat për monedhën e fundit e s?kanë bukë për fëmijët e tyre, sepse taksat, gjobat, çmimet e larta janë kthyer në makthin e përditshëm të nënave dhe baballarëve shqiptarë.

Me 8 dhjetor për të gjithë ata që në mënyrë të padrejtë, antiligjore goditen me gjoba dhe kamatëvonesa të bandës që i thotë vetes OSHE.

Me 8 dhjetor për të gjithë ata fermerë që jo vetëm s? kanë parë një kacidhe ndihmë nga shteti, por i kanë lënë produktet t?u prishen

Me 8 dhjetor të bashkohemi në Tiranë pa dallime politike, të gjithë atyre që iu ka ardhur laku në fyt, e që janë gati për të nisur një përballje pa kthim e për të marrë në dorë fatet e qeverisjes së vendit, fate që burojnë nga dora juaj, nga sovraniteti juaj, e nga vullneti juaj e s?mund ti tjetërsojë e vjedh askush tjetër





Lajmet e fundit nga