web counter
LEXO PA REKLAMA!

SHKARKO APP

App Store
Google Play

Ja kush janë ushqimet më të mira për dhimbjen e kokës

20 Nëntor 2015, 16:26, Lifestyle CNA

Duke ditur shkakun e dhimbjes së kokës, mund të gjeni mënyrat më të mira për ta shmangur atë.

Shkaku mund të jetë i lidhur me dietën dhe dhimbja kronike e kokës shpesh të mëson se cilat ushqime të bëjnë mirë dhe cilat duhen shmangur. Ushqimet e poshtëshënuara ndoshta nuk e zhdukin krejtësisht dhimbjen e kokës, por ato duket se kanë fuqi parandaluese.

Spinaqi
Spinaqi është i pasur me riboflavin, një lloj vitamine B që lidhet me parandalimin e migrenës.

Peshku yndyror
Peshku yndyror përmban acide të fuqishëm yndyrore omega-3. Sipas një studimi të 2013, vetitë e tij anti-inflamatore zvogëlojnë dhimbjen kronike të kokës dhe përfitimi rritet kur dieta që përmban acide yndyrore omega-6 ulet njëkohësisht. Omega 6 gjëndet në shumë vajra ushqimore.

Shalqi
Nëse dhimbja e kokës lidhet me dehidratimin, është e nevojshme të merrni ushqime me përmbajtje uji të tilla si shalqi ose tranguj. Ne marrim rreth 20 % të ujit të përditshem nga ushqimi, por shalqini ofron gjithashtu minerale si magnezi dhe kaliumi të cilat i humbasim kur dehidratohemi.

Patatja
Një patate gjysëm e pjekur dhe me lëkurë mund të ketë kalium me shumë se dyfishi i sasisë që gjendet në një banane.

Kafeina
Për sa kohë që nuk e teproni, kafeina në të vërtetë mund të ndihmojë për dhimbjen e kokës. Shumë medikamente për dhimbje koke përmbajnë një dozë të vogël kafeine, sepse ajo ndihmon trupin për të absorbuar me shpejt këto barna.

Bajame
Ka hulumtime pa shumë konstatime konkrete që tregojnë rëndësinë e magnezit për trajtimin e migrenës. Autorët e një komenti të bërë në revistën Journal of Neural Transmission në 2012 shkruajnë se ndërsa magnezi duket se ofron disa mundësi në parandalimin e migrenës, ka pak për të sugjeruar se ai ndihmon në dhimbjen e kokës. Bajamet janë të pasura me magnez me 80 miligram për porcion.

 





Lajmet e fundit nga