E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

Kush është Nasip Naço dhe pse u vetësakrifikua ?

9 Nëntor 2015, 14:47, Aktualitet CNA

Dorëheqja Nasip Naços ishte një lajm i bujshëm dhe risi për politikën shqiptare. Ai e mbajti postin e ministrit të drejtësisë për dy vjet, ndërsa arsyeja që po qarkullon për dorëheqjen e tij është ajo personale. Në këtë këndvështrim, vetë Nasip Naço është më i humburi pasi ai nuk do të jetë më pjesë e qeverisë dhe as e parlamentit sepse ashtu si të gjithë ministrat (përveç Shkëlqim Canit dhe Blendi Klosit) ai e ka dorëzuar mandatin e deputetit. Një nga skenarët e mundshëm që mund ta kenë shtyrë atë të japë dorëheqjen mund të jenë ofrimi i postit të Prokurorit të përgjithshëm.

Nga ana tjetër, Naço mund të marrë drejtimin e ndonjë ministrie tjetër, por kjo është më pak e arritshme pasi nuk do të tregonte profesionalizëm duke marrë parasysh dorëheqjen e tij për arsye personale.

Kush është Nasip Naço?

Nasip Naço lindi në Skrapar, më 5 Prill 1961. Ai është i martuar me znj. Theodhora Naço, dhe kanë dy fëmijë, Betinën dhe Frankon.

Ai është diplomuar për Drejtësi në Fakultetin e Drejtësisë të Universitetit të Tiranës, në vitin 1992.

Në vitet 2008 – 2009, ai ka qënë Sekretar Politik i LSI-së, për Qarkun e Beratit.

Në legjislaturën XVIII, zgjidhet deputet i Qarkut te Beratit, për Grupin Parlamentar të LSI-së, dhe në periudhën 2009 – 2011, ushtron detyrën e Zëvendëskryetarit të Kuvendit të Shqipërisë.

Në vitet 2011 – 2012, ai ushtron detyrën e Ministrit të Ekonomisë, Tregtisë dhe Energjitikës. Më pas rizgjidhet Zëvendëskryetar i Kuvendit të Shqipërisë në Korrik 2012.

Z. Naço ka ushtruar disa detyra të rëndësishme shtetërore si: Prokuror në Prokurorinë e Rrethit Berat, Drejtor i Shërbimit Informativ në Ministrin e Brendshme, Prokuror pranë zyrës së Prokurorit të Përgjithshëm, Shef Sektori kundër Akteve Terroriste dhe Krimeve kundër Personit, pranë Zyrës së Prokurorit të Përgjithshëm, Drejtues i Prokurorisë së Rrethit Gjyqësor Durrës.

Z. Nasip Naço ka marrë pjesë në disa seminare dhe kurse trajnuese, të organizuara nga Zyra e Prokurorit të Përgjithshëm, nga Shkolla e Magjistraturës dhe jashtë vendit në Itali, Poloni, SHBA, Danimarkë, Gjermani, me tematika të ndryshme në fushën e së drejtës penale e procedurës penale, të përmbarimit gjyqësor, të policisë, etj.