E fundit!

18:56 Aktualitet

Protestuesit në refren kërkojnë largimin e Ramës: Duam dorëheqjen

Protestuesit janë vendosur para Kryeministrisë ku në refre...

Mashtrimi publik i Henri Çilit/Klientelizmi nga Berisha tek Rama dhe Ligji I Arsimit të Lartë

9 Nëntor 2015, 12:11, Aktualitet CNA

*Elvi FUNDO

I njohur për opinionin publik si Henri Çili, në fakt emri i tij është i ndryshuar, por kjo pjesë tashmë nuk ka shumë rëndësi. Më shumë kanë rëndësi zullumet dhe gënjeshtrat publike të këtij servili dhe lëpirësi pushtetesh.

Dje nën sqetullën e PD-së dhe Berishës, sot në krahët e ngrohta të Edi Ramës. Në fakt miqësitë më
Ramën e lidhin prej kohësh, Çili ka qenë një nnga mbështetësit kryesorë të tij në garën për Bashkinë e Tiranës në vitin 2007. Por edhe më parë miqësia për interesa nuk është ndalur kurrë. Në 2005 Çili bënte fushatë për Berishën dhe kjo nuk e la pa shpërblim, në pak muaj mori liçensën për universitet privat.

Në 2007 mbështeste Ramën, në 2009 Berishën, në 2011 në cili berisha krahet e Lulzim Bashës. Por këto janë detaje të vogla së nuk kanë vlerë, sepse ai luftonte për Berishën në zgjedhjet e qershorit 2013, në dhjetor bërtistë rroftë heroi Edi Rama.

Por, sot po përmend disa fakte që lidhen me mashtrimet publike që ky individ lëshoi nga emisioni Zonë e Lirë e Arian Çanit. Kuptohet gjithçka e parapërgatitur, këtë e them jo për të ofenduar dhe mërzitur Çanin por për të treguar se Çili është sponsor i emisionit si në shumë media të tjera, dhe akuzave shkon dhe ju përgjigjet me një pyetësor që e ka shkruar vetë, dhe nuk ka përballë askënd ta kundërshtojë. Përballë ai duhet të kishte ata që e kanë akuzuar me fakte dhe dokumenta.

Duke qenë se kërcënoi me gjyqe për shkrimet dhe akuzat po ja ripërmendim Çilit një e nga një disa prej tyre. Arian Çani i ka publike po të dojë dhe dokumenta ja ofrojmë ti ketë mbi tavoline.

Çili dhe qeveria

I pari që e lidh ngushtësisht në menyrë klienteliste Henri Çilin me qeverinë është raporti i kontrrollit që Ministra e Arsimit paraqiti pas ndërhyrjes së saj tek universitetet private. Raporti i kontrrollit është skandal më vete, dhe këtë Henri Çili nuk e mohon dot. Por universiteti i tij nuk u mbyll edhe pse nuk kishte amza si Kristali, apo kishte pedagoge të thjeshtë që udhëhiqnin edhe 9 doktoratura, nuk plotësonte kushtet e ambienteve, stafin akadamik e kishte totalisht janë çdo kriteri ligjor dhe të paplotë e keshtu me rradhë.

Askush nuk mund të thotë që UET ska shitur diploma, kur amzat i ka pasur pa nr rendor dhe jo në rregjistra të shkruara, mungesa e tyre ngre jo pak dyshime. Shkeljet e konstatuara në raport e conin UET jo me mbyllje, por drejtuesit e saj pas prangave. Asgje thjesht u la me disa këshilla.

Shkenca Çiliane

Më tej ai foli për miliona euro kërkime shkencore si financime nga ky universitet. Në fakt është qesharake kur e mendon. Kërkimet shkencore nuk janë qoka dhe publikime të stafit, kur dikush kudo në botë publikon një kërkim shkencor, nuk bën plagjatura apo përkthime e nxjer librat e vartësve, por janë studime që trondisin botën akademike. Mund të thotë publikisht ndonjë professor, intelektual apo akademik se cili është studimi shkencor që e ka tronditur nga Çili dhe UET?

Berisha, liçensa, tregu, taksat dhe TVSH-ja e Arsimit te Lartë

Më tej ai na tha se ishte një nga 40 të liçencuarit nga Berisha. Po është e vërtetë, vetëm nuk tregoi kohën e liçensimit të tij dhe të tjerëve. Ky është nga të parët në vitin 2006, pra gati 1 vit qeverisje, Çili rëmbente një universitet.

Pretendoi se ka 2.4% të tregur universitar. Kjo është një gënjeshtër e madhe po shumë e madhe. Ndoshta e ka atë shifër si përqindje nga totali i studentëve privat-publik. Shifra e vërtetë është dominanca në tregun e UNIVERSITETETVE PRIVATE, të cilën Henri nuk e tha.

Çili tha se kishte mbi 5 mijë studentë dhe mesatarisht të ardhurat vjetore i shkonin mbi 10 milionë euro, por Çili nuk tha sa taksa dhe detyrime ka paguar në vitë. Ka apo jo shmangie, lojra dhe spektakle për të paguar më pak taksa.

Për qeverisjen dje mund ti themi se, ai Berisha, që nuk i kishte bërë asnjë nder, kishte hequr TVSH-në e arsimit të lartë. Minimalisht ja ka rritur me 20% të ardhurat Çilit, i cili nuk e uli cmimin për studentët.

Këtu po leme mënjanë qindra doktoratura që shkojnë nga 7500-9000 euro për një individ. Janë të tjera shuma parash këto që Çili nuk i tregon në publik. Doktor dhe çfarë doktor, të udhëheqin disa MA, që në gradë janë poshtë teje dhe janë aq të zotë sa drejtojnë një tufë me doktoratura. Dhe këtë se thonë akuzuesit por raporti i Ministrisë së Arsimit.

Ligji i Arsimit të lartë Rama dhe Berisha

Në fund po i japim një detaj të rendësishëm opinionit publik për një supër gënjeshtër që Çili tha në emision. Ai mohoi të ketë qenë ideatori i reformës në arsimit e lartë dhe faturën ja kaloi kryeministrit Rama, si një vendim të tij personal dhe reformë pozitive që duhet të mbështetej. Por haroi ti tregonte Arian Çanit se të njëjtin ligj, duke premtuar mbështetje politike, mediatike dhe publike ja çoi dhe Sali Berishës, pak vite më parë kur ishte kryeministër. Në fillim ish-kreu i qeverisë në atë kohë u lëkund, por pasi mblodhi ekspertë dhe dëgjoi profesionistët e fushës u bind se kjo nuk ishte reformë por shërbim klientelist për Universitetet private dhe dëmtonte të rinjtë shqiptarë dhe familjet e tyre. Berisha i rezistoi dhe ai ligj nuk u kalua nga qeveria e tij, sot e nxorën nga sirtaret Henri Çili e co, fatkeqsisht. Ai nuk mund të fshihet pas gishtit nga frika se mund të marë kosto në opinionin publik apo universitar, UET-i dhe ai janë personalisht është strumbullari kryesor. E vërteta është që ai këtë të ashtuquajtur reformë nuk e bëri dot dje me Berishën por e kaloi sot me Ramën. uet gusht

Këto fakte dhe detaje të mësipërme ndoshta janë pak por ka të tjera që janë fund. Borxhet tek tatimet, apo rasti i ujit në UET.

Nuk e tha as faktin pse kishte mbi 1 milion dollarë borxhe në tatimet të akumuluara gjatë qeverisë të Berishës dhe Ramës, kur deklaroi se skishte detyrime tek tatimet në një takim të kryeministrit.

Nuk e tha as faktin tjetër që ka detyrime në ujësjellësin e Tiranës. Nuk tha që i furnizon studentët me ujë pusi? e kështu me rradhë.

Të gjitha denocimet apo faktet do i publikojmë dhe ripublikojmë ditë pas dite. Raportin dhe gjithçka tjetër, në pritje të një përballje në gjyq siç ai kërcënoi tek Arian Çani. Lekët që do fitojmë nga gjyqi do ja japim Universitetit Publik për studime dhe kërkime të vërteta shkencore. *citynews