web counter
LEXO PA REKLAMA!

SHKARKO APP

App Store
Google Play

E fundit!

x

Skandal në burgun e Drenovës/ 40 të sëmurë prej 8 muajsh pa ilaçe

9 Nëntor 2015, 10:17, Aktualitet CNA

Burgu i sigurisë së lartë në Drenovë, prej 8 muajsh nuk ka medikamente. Sipas burimeve mësohet se gjatë këtyre muajve nuk ekziston asnjë ilaç dhe janë regjistruar mbi 40 raste të burgosurish në gjendje shëndetësore të rënduar, të cilët janë transportuar pranë spitalit Rajonal të Korçës për të marrë shërbimin e duhur.

Vetë të burgosurit kanë ngritur alarmin e kësaj mungese. Të dënuarit pohojnë se prej muajsh brenda burgut të Drenovës nuk ekziston asnjë lloj medikamenti, duke filluar që nga ato elementare, siç janë paracetamol, aspirina por edhe ilaçe të tjera më specifike.

Sipas tyre, deri tani kanë qenë të afërmit që u kanë siguruar furnizimin me ilaçet bazë. Ndërkaq, nga drejtoria e burgut të Drenovës është bërë kërkesë zyrtare për medikamente, por edhe pse kanë kaluar 8 muaj, ende nuk ka një zgjidhje konkrete për këtë problem serioz.

Siç duket situata në burgun e Drenovës nuk është shumë e mirë, pasi ka dhe tejshtim të të burgosurve. Në godinën e observimit, e cila ka 9 dhoma ku normalisht në një dhomë duhet të qëndrojnë 6 veta, gjejmë mbi 11 të burgosur. Po kështu, ende nuk është bërë asgjë për mungesën e ujit të pijshëm, kushte të cilat shpesh kanë çuar në protesta të burgosurit. /Sot





Lajmet e fundit nga