web counter
LEXO PA REKLAMA!

SHKARKO APP

App Store
Google Play

E fundit!

x

AKM: Ndalohet kontakti i qytetarëve me ujin përgjatë vijës së ndotur në plazhin e Durrësit

9 Nëntor 2015, 14:11, Aktualitet CNA

Agjencia Kombëtare e Mjedisit pas marrjes të mostrave të ujit në zonën e ndotur në plazhin e Durrësit, publikoi sot rezultatet e analizave laboratorike, ku niveli i ndotjes është në nivele të larta.

Sipas analizave të kryera, mostrat e marra në 2 pika të ndryshme në vijën e ndotur bregdetare Durrës, rezultuan shumë të ndotura.

Produktet e naftës të cilat rezultojnë prezente në mostra janë tej normave të lejuara, duke konsideruar faktin se në ujërat banjatore nuk duhet të ketë prezencë të produkteve të naftës. Nevoja kimike për oksigjen dhe nevoja biokimike për oksigjen rezultojnë në vlera shumë të larta, të cilat reflektojnë një ndotje shumë të lartë.

?Nga vlerat gjykojmë se ndotja me hidrokarbure është shumë e lartë, çka për shëndetin e qytetarëve dhe mjedisin, gjendja është alarmante. Për këtë arsye ndalohet kategorikisht kontakti me ujin apo larja në det e qytetarëve, deri në momentin e rehabilitimit të plotë mjedisor të zonës së prekur në plazhin e Durrësit në një gjatësi prej rreth 2.5 km?, thekson Drejtori i Përgjithshëm i AKM-së, Julian Beqiri.

Sipas njoftimit zyrtar thuhet se qytetarët duhet të tregojnë kujdes për shëndetin e tyre dhe të evitojnë çdo kontakt të mundshëm me zonën e prekur nga ndotja.





Lajmet e fundit nga