web counter
LEXO PA REKLAMA!

SHKARKO APP

App Store
Google Play

Vokshi: Ja dokumenti që shpall fitues djalin e Leskajt dhe i kërkon të firmosë kontratën

9 Nëntor 2015, 12:13, Aktualitet CNA

Nëpërmjet një deklarate për shtyp, deputetja e Partisë Demokratike, Albana Vokshi ka publikuar dokumentin që sipas saj vërtetin se djali i Valentina Leskaj është shpallur fitues në një tender të OSHEE ku sipas të dhënave ka përfituar një shumë prej 700 milionë lekësh.

Deklarata e plotë e Albana Vokshit:

Faktet janë këto;

700 milionë lekë Edi Rama ka vendosur tia japë djalit të deputetes Leskaj, për trajtimin e stresit të punonjësve të OSHEE, për një punë 4 mujore.

Pra 6 milionë lekë në ditë për djalin e deputetes, ndërkohë që 1 e treta qytetarëve jetojnë në mjerim të plotë.

6 milionë lekë në ditë për stresin e OSHEE, kësaj bande kriminale, që ka shkaktuar depresion tek qytetarët, që ka çuar në vetëflijim 4 kryefamiljarë, me arrogancën e padrejtësitë e saj.

Ja ku përfundojnë paratë e marra me kërbaç e me burg tek të pamundurit.

Tek të pamundurit, sepse deputeti i Ramës debitor me 200 milionë lekë është i paprekshëm.

Dhe del tani, kryehajduti i OSHEE, Ardian Çela, e thotë se kjo nuk është e vërtetë.

Po ky dokument, cfarë tregon?

Operatori i shpërndarjes së energjisë, formulari i njoftimit të fituesit;

Ku thotë se është shpallur fituesi ABKONS  e Besnik Leskajt.

Ku i kërkohet kësaj kompanie të paraqitet në zyrat e OSHEE për të lidhur kontratën.

Ja ku është e zeza mbi të bardhë.

Ky pra është shteti i koprruptuar i Edi Ramës, që mashtron, vjedh dhe ndan paratë e gjakut të shqiptarëve me miqtë e klientët.





Lajmet e fundit nga