web counter
LEXO PA REKLAMA!

SHKARKO APP

App Store
Google Play

E fundit!

x

Turqi/ 35 të arrestuar në një operacion policor kundër bashkëpunëtorëve të imamit Gulen

3 Nëntor 2015, 08:39, Kosova & Bota CNA

Të paktën 35 persona u arrestuan sot në Turqi në kuadër të një hetimi gjyqësor të hapur në Izmir kundër imamit, Fethullah Gülen, armiku i betuar i presidentit konservator Recep Tayyip Erdogan, njoftoi media lokale.

?Kjo fushatë arrestimesh u ndërmor në 18 provinca të vendit dhe mundësoi arrestimin e policëve, funksionarëve, të dyshuarve për posedim të dokumenteve ushtarake dhe dokumenteve sekrete?, theksoi agjencia e lajmeve Dogan.

Ky operacion ndodhi dy ditë pas fitores së bindshme të siguruar të dielën në zgjedhjet legjislative nga partia e Erdogan, që fitori maxhorancën absolute të vendeve në Parlament, humbur pesë muaj më parë. Presidenti shpalli luftë me imamin Gulen në fund të vitit 2013, pas një skandali për korrupsion që përfshiu shumë bashkëpunëtorë të afërt të tij.

Erdogan akuzon ish-aleatin e tij, i cili drejton nga SHBA-ja një rrjet të madh shkollash, OJQ-sh dhe ndërmarrjesh, se është përpjekur të ndërtojë një shtet paralel për ta rrëzuar. Që prej dy vjetësh, burri i hekurt i vendit ka rritur ndjekjet penale dhe dënimet kundër mbështetësve të imamit





Lajmet e fundit nga