E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Kriza në PS/ Rama urdhër deputetëve të reklamojnë arritjet e qeverisë, akuza për braktisje të bazës, Balla përplaset me Alfred Pezën

3 Nëntor 2015, 07:15, Aktualitet CNA

Kryeministri Edi Rama vijon të demostrojë shenja të tjera pasigurie, shqetësimi dhe nervozizmi, sa i takon impaktit negativ në elektorat të aksioneve radikale, performanca e qeverisë, rezistenca për të mos ndryshuar ministrat dhe rënia e premtimeve më të bujshme të para 23 Qershorit, duke nisur që nga shëndetësia falas, 300 mijë vende pune, ulje e taksave etj.

Teksa disa prej aksioneve po i rrëzon dhe korrigjon vetë çdo ditë, kryeministri është i shqetësuar për zvetënimin e shpejtë të qeverisjes së tij në sytë e shqiptarëve, realiktet ky që u reflektua edhe në zgjedhjet e 2015, ku PS mori 300 mijë vota më pak se në 2013. Ndonëse me letrat e shumta që u dërgon, nuk lë fjalë pa u thënë ministrave, kryeministri vijon ta mbrojë kabinetin qeveritar në sytë e grupit parlamentar socialist dhe opinionit publik. Megjithatë, Rama ka një dyshim të madh se, kjo qeveri mund ta ndëshkojë PS në zgjedhjet e 2017. Në këtë kuadër, kryeministri Rama, në mbledhjen e djeshme të grupit parlamentar socialist, ka prezantuar para deputetëve një aksion të ri dymujor. Kryeministri Rama u ka kërkuar deputetëve të Partisë Socialiste që të zhvendosen të gjithë në zonat e tyre, për të prezantuar dhe reklamuar arritjet e qeverisë së tij, gjatë këtyre dy viteve. Teksa deputetët po merren me riorganizimin e partisë dhe të tjerë po presin ndryshimin e qeverisë, Rama ka hedhur dje idenë e një aksioni të ri, për të prezantuar në bazë të gjitha arritjet e qeverisë në këto dy vite. Gjatë mbledhjes së djeshme të grupit parlamentar, Rama u ka kërkuar deputetëve që të lënë çdo angazhim tjetër dhe të prezantojnë dhe reklamojnë në organizatat bazë të partisë dhe në elektorat punët e mira të qeverisë, gjatë dy viteve të fundit. Sipas burimeve, deputetët e kanë pritur në heshtje këtë propozim, ndërsa nuk dihet se si do të reflektohet në terren. Po ashtu, kryeministri Rama ka shprehur pakënaqësinë e thellë se disa deputetët kanë braktisur bazën socialiste dhe detyrën e ligjvënësit. Rama nuk ka përmenduar emra konkretë, por ka theksuar se disa deputetë thjeshtë janë apatikë dhe të tërhequr. Rama u ka kërkuar deputetëve të rifillojnë takimet me bazën dhe të zgjidhin hallet e anëtarësisë.

Përplasen Balla-Peza

Projektligji ?Për disa ndryshime dhe shtesa në ligjin nr. 97/2013 ?Për mediat audiovizive në Republikën e Shqipërisë? ka përplasur dje në mbledhjen e grupit parlamentar socialist deputetët Taulant Balla dhe Alfred Peza. Ky projektligj është propozuar nga Taulant Balla, por është hedhur poshtë nga Këshilli i Evropës, OSBE dhe opozita, me argumentin se dhunonte lirinë e medias në Shqipëri. Në këtë kuadër, deputeti Balla ka theksuar dje se është tërhequr nga propozimi. Por, nënkryetari i Komisionit për Edukimin dhe Mjetet e Informimit Publik, Alfred Peza, ka theksuar se projektligji jo vetëm që nuk është tërhequr, por dje ishte në rendin e ditës së këtij Komisioni./Sot