Studentët që sulmuan Ramën/ Dy vite më parë sulmuan Berishën e Bashën

2 Nëntor 2015, 20:35, Aktualitet CNA

Studentët që sulmuan sot kryeministrin Edi Rama me vezë janë pjesë e ekstremit të majtë.

Ata aderojnë në lëvizjen shqiptare ?Organizata Politike?, e cila bashkëpunon shpesh herë me Lëvizjen Vetëvendosje.

?Organizata Politike?, krahas kundërshtive për Ligjin e Arsimit të Lartë, njihet edhe për aksionet dhe protestat kundër privatizimit të pasurive në Kosovë, protesta kundër ?tradhtisë? së çështjes së 21 Janarit, organizimin e 1 Majit në Tiranë etj.

Kjo lëvizje ishte kundërshtare e fortë edhe gjatë protestave kundër armëve kimike.

Gjatë kësaj proteste, ata poshtëruan publikisht Sali Berishën dhe Lulzim Bashën, të cilët dolën në shesh dhe tentuan që ta politizojnë protestën kundër armëve kimike.

?Kulmi u shënua kur rreth orës tre pasdreke, vetë kryetari i PD-së, Lulzim Basha, ish-kryeministri Sali Berisha dhe disa mbështetës të tyre publikë, u afruan te grupi i protestuesve dhe u përpoqën të ulen në mes të tyre. Njëri prej VIP-ave mbështetës të Berishës u dëgjua duke thënë: ?Edhe një të shtyrë do dhe ai rrëzohet!?, duke iu referuar Kryeministrit Edi Rama.

Mbështetësit e PD-së në turmë brohoritën për pak çaste, ndërsa pjesa tjetër u hutua. Pastaj, protestuesit filluan të ulërasin me thirrjet Ik! Ik! Ik!. Përshëndetjes së Berishës me dy gishta lart, protestuesit iu përgjigjën me gishtin e madh poshtë. Disa prej tyre i treguan gishtin e mesit sipër, mes tyre dalloheshin disa aktivistë të Organizatës Politike, një grup të rinjsh të majtë.

Në ?Facebook?, shenjat me gishtin e mesit lart ndaj Berishës u lavdëruan nga aktivistë të tjerë të kësaj organizate, të cilët shtuan se u bëjnë ?vërejtje? këtyre ?shokëve? për mungesën e përgatitjes me vezë dhe domate për një rast të tillë.

Pas këtij poshtërimi publik, Berisha dhe Basha u larguan me nxitim nga bulevardi, ndërsa mbështetësit e tyre krijuan një rreth për t?i mbrojtur nga zemërimi i protestuesve. Bashkë me ta ikën edhe shumë protestues mbështetës të tyre, ndërsa një grusht të rinjsh vijuan të qëndrojnë ulur duke folur me radhë me një megafon?, thuhet në një shkrim të botuar gjatë atyre ditëve nga gazetari Gjergj Erebara.