E fundit!

19:46 Aktualitet

Me thirrje e simbole kuqezi/ Protestuesit zhvendosen drejt Kryeministrisë

Mijëra qytetarë që janë mbledhur sot në qendër të kryeqyte...

Një palaço si Ervin Salianji/ Tallet me studentët, dje mbronte ligjin e Çilit

2 Nëntor 2015, 16:34, Aktualitet CNA

Sot, studentët dhe aktivistë kanë reaguar ndaj reformës në arsim dhe ndaj tarifave të larta duke goditur me vezë kryeministrin Edi Rama. Guximi i tyre është pa diskutim lajmi i ditës por ajo që është më e çuditshmja është tallja e kandidatit për kreun e FRPD-së, Ervin Salianji. Më shumë se tallje direkt me studentët për aktin e tyre të protestës është sharlatanizmi i këtij individi dhe produkti të UET dhe Çilit personalisht.

Salianji është një nga produktet e Henri Çilit, njeriu që bleu e manipuloi qeverinë për të krijuar një ligj për arsimin e lartë sipas interesit të tij vetjak, njeriu që përmes mashtrimit publik, blerjes së politikës, bëri të mundur miratimin e këtij ligji. Ky klientelizëm u mbështet edhe nga disa media, rasti i Fokus Group dhe gazetës Panorama të Irfan Hysenbelliut janë shembulli konkret. Ervin Salianji që sot qan hallin e studentëve është një nga mbështetësit kryesorë të ligjit për arsimin e lartë.

Sot, kur studentët protestojnë, kur studentët arrestohen dhe dhunohen sepse kundërshtojnë pikërisht rritjen e tarifave nga ligji i Henri Çilit, Iraf Hysenbelliut e ndonjë tjetri, kllouni i oborrit të Partisë Demokratike, Ervin Salianji, shkruan statuse me qëllim përfitimin e votave në garën për kreun e FRPD. Ky palaço që sot bën sikur i digjet barku për studentët e arrestuar, bën sikur i vjen keq për ta, është po aq përgjegjës për shkatërrimin e arsimit me ligjin ri po aq sa edhe shefi i tij Çili i cili është jo vetëm ideator por edhe pagator dhe korrupsionisti kryesor i këtij ligji.
Këto statuse absurde të Salianjit, nëpërmjet të cilave ai mendon se do të marrë votat e të rinjve demokratë, nuk tregojnë asgjë tjetër veçse palaçollëkun e tij, në një kohë kur të gjithë e dinë së është UET-i dhe sponsori i tij përgjegjësit për këtë ligj së bashku me Edi Ramën dhe klientelën që e shoqëron

Ky klloun i Çilit, nuk e njeh as kufirin e hipokrizisë dhe vendos të tallet me studentët duke u kujtuar sot pas gati një viti që studentët kundërshtojnë këtë ligj, të komentojë dhe të bëjë sikur i mbështet ata. Në fakt tek studentët e dhunuar rrallë mund të gjesh ndonjë mbështetës të FRPD disa prej tyre janë ish pjesë e mjaft apo edhe FRESSH. Ndonjë e gjen edhe me grusht lart. Por bindjet e tyre kanë pak vlerë kur ata reagojnë dhe protestojnë për të drejtat e tyre të cilat i kanë marrë peng Salianjët e universiteteve private.

Salianji nuk foli kurrë për këtë ligj, por ai e mbështeti atë, ka lobuar për atë ligj edhe tek deputetët dhe drejtues të PD-së. Ndoshta hapi i vetëm i PD për të ndalur Çilizimin e opozitës është shpulla më humbje ndaj Salianjit dhe ligji i arsimit të lartë në gjykatë Kushtetuese. Këto dy veprime do tregonin se PD nuk është peng i klientelizmit të palacove dhe hipokritëve të përkohshëm në politike/citynews