web counter
LEXO PA REKLAMA!

SHKARKO APP

App Store
Google Play

E fundit!

x

Basha mbështet revoltën e studentëve/ Harroi të çonte ligjin në Gjykatën Kushtetuese ?

2 Nëntor 2015, 13:57, Aktualitet CNA

Në një dalje për media, kreu i Partisë Demokratike, Lulzim Basha, është prononcuar për ngjarjen e fundit ku 8 studentë janë arrestuar pasi kanë goditur me vezë kryeministrin Edi Rama.

Ai tha se studentët që goditën kryeministrin nuk janë pjesë e Partisë Demokratike por studentë të thjeshtë të cilët kontestojnë abuzimet e qeverisë në arsim.

Por, kreu i PD-së, Lulzim Basha ka harruar të shtojë që Partia Demokratike nuk ka reaguar për më tepër se një vit lidhur me reformën në arsimin e larte, ku edhe ndaj protestave të vazhdueshme të studentëve reagimet kanë qenë sporadike.

Reagimi i vetëm erdhi pas një viti, pikërisht një jave përpara se të miratohej ligji për reformën në arsim ku ish-kryetarja e Kuvendit, Jozefina Topalli, reagoi ashper atehere ne nje mbledhje te Grupit Parlamentar te PD.

Në qarqet mediatike ka qarkulluar informacioni prej kohësh se opozita dhe qeveria kishin arritur një konsensus për miratimin e ligjit për arsimin e lartë, permjet Henri Cilit te UET dhe Artan Hoxhes te TBU.

Partia Demokratike dhe Lulzim Basha e kishin mundësinë që në seancën plenare rrezonin këtë ligj ose pjese te caktuara te tij, duke parë që edhe deputetët e LSI-së e kontestuan fort, por kjo nuk ndodhi sepse deputetët e PD-së e braktisën seancën.

PD dhe kryetari Basha kishin një mundësi të dytë për të kontestuar ligjin e arsimit të lartë dhe për të treguar që janë në krah të kauzës së studentëve dhe këtë gjë mund ta realizonin duke e çuar ligjin në Gjykatën Kushtetuese, me qëllim mos hyrjen në fuqi të ligjit.

Një gjë e tillë nuk ndodhi dhe çka thotë sot Basha është sot me një qëndrim vetëm për përfitime politike, nga një veprim që ai nuk e bëri kurrë.

 





Lajmet e fundit nga