Blushi: Mund të largohem nga politika, parlament kriminelësh edhe populli fajtor

2 Nëntor 2015, 09:02, Aktualitet CNA

Deputeti socialist, Ben Blushi foli në festivalin e letërsisë me tone të ashpra për politikën shqiptare në të cilën bën pjesë dhe nuk kurseu edhe njerëzit e thjeshtë.

Ai u shpreh sërish kritik për mënyrën se si drejtohet vendi sot. Blushi ishte i ftuar aty për të analizuar pjesë të romanit ?Shqipëria?.

?Duhej t?i kishim rezistuar më shumë së keqes. Kjo do të na forconte identitetin e do të na jepte një shpirt qëndrese, që koha provoi që nuk e kemi në masën që duhet ta kemi. Sot që flasim, jemi përballë varfërisë, korrupsionit, brutalitetit, padrejtësisë, pabarazisë, integrimit, emigracionit, injorancës. Dhe nëse ka një popull në Evropë që ka arsye të mos i pëlqejnë shumë gjëra jemi ne, se nuk vidhet asnjë popull siç vidhemi ne, është e provuar me fakte?.

Deputeti ka folur edhe në lidhje me emigrimin masiv të shqiptarëve.

?Kjo është e papranueshme, sepse nëse 40 mijë vetë ikin për 6 muaj, do të thotë në tetor janë bërë 100 e ca mijë zyrtarisht. Po mirë, a mendojmë ne, nëse kjo ikje vazhdon, çfarë perspektive ka ky vend, dhe në fund të fundit, kush do i punojë tokat tona? E beson dot që pas 30 vjetësh, nga 2 milionë që jemi sot, këtu të jenë 1 milion??.

Ai nuk ka lënë pa apeluar që të mos largohen.

?Para se të ikin, të gjithë ata kanë një justifikim të madh me veten e tyre, se thonë se ?ne u përpoqëm dhe s?ka mbetur gjë?. Kemi mundësi ta vëmë në rend. Kemi edhe pak mundësi për 2-3 vjet, dhe pastaj të mendojnë të ikin?, ? u shpreh Blushi.

Në fund, ai u shpreh optimist se shqiptarët do të vijnë e të bëjnë vendin e tyre.

Ndërsa u pyet se pse mungoi për një kohë të gjatë në Parlament, Blushi tha se këtë e bën për të refuzuar këtë politikë.

?Politika është një art kolektiv, ti luan me të tjerët. Unë e kam të vështirë. Kam vendosur të mos e bëj më. Kjo mund të më nxjerrë mua jashtë loje, por, më mirë si spektator i kënaqur, sesa një sportist i dështuar për shkak të të tjerëve. Mos prisni që unë të bëhem një politikan kauboj që të mbaj kapele në Parlament. Doni që unë të jem me pistoletë që të zihem më kollaj?! Doni të vras ca njerëz me pistoletë që të më mbajnë në Parlament?! Nuk kam shkuar në Parlament si refuzim. Ky Parlament i orëve të fundit është i rëndë për t?u mbajtur. Herë pas here unë u kërkoj falje atyre që paguajnë taksat, por nuk mund të bëhem si të gjithë. Nuk mundem, ndaj kam zgjedhur të shkruaj e të mendoj. Dua të bashkëjetoj me letërsinë sa të mundem. E gjitha kjo që ndodh bëhet me miratimin e popullit. Është fatale se si pajtohemi me këtë situatë! Më vjen shumë keq që ikin, por i justifikoj të gjithë?, përfundon Blushi.