E fundit!

20:42 Aktualitet

Me thirrjet kundër qeverisë/ Vijon protesta para Kryeministrisë

Vijon prej gati tre orësh protesta në bulevardin “Dëshmorë...

Nishani: Nuk e pranoj Jaguarin, kushton 110 mijë dollarë në vit

30 Tetor 2015, 07:58, Politikë CNA

Presidenti i Republikës, Bujar Nishani, do të refuzojë makinat luksoze që qeveria do t?ia japë institucionit të Presidentit.

Në një intervistë në ?Top Story? me gazetarin Sokol Balla, kreu i shtetit tha se kostoja e mirëmbajtjes së dy makinave është sa dhjetëfishi i shumës që harxhon sot për mirëmbajtjen e dy makinave të reja.

Duke folur për reformën në drejtësi, Nishani tha se drafti i komisionit të posaçëm ka propozime që bien ndesh me Kushtetutën, duke krijuar precedentë të rrezikshëm.

Ju në letrën tuaj dërguar Komisionit të Venecias për draftin e komisionit të posaçëm për reformën në drejtësi merreni me procedurën sesa me thelbin. Çfarë nuk shkon sot me drejtësinë, zoti President, dhe çfarë mund të bëhet?
Më shqetëson ekzistenca e gjyqtarëve dhe prokurorëve të korruptuar. Problemi im më i madh është te kapja e gjyqtarëve dhe prokurorëve të korruptuar nga politika. Edhe thirrjet e kryeministrit janë problem për mua, reforma s?mund të bëhet me thirrje dhe deklarata. Jam plotësisht dakord që kemi nevojë për një reformë shumë të thellë, por me propozimet që janë bërë nga komisioni i posaçëm, bëhet zhbërja e drejtësisë, mbyllja e sistemit të drejtësisë dhe kthim të tij në pjesë të administratës publike. Së pari, në mënyrë ultimative kërkohet që në Kushtetutë të vendoset një nen që ligjet që do miratohen nga Kuvendi të mos shpallen antikushtetuese nga Gjykata Kushtetuese.

Të gjitha?
Po, që të gjitha ligjet që do të miratohen nga kjo paketë. Çdo produkt që do të ketë ky parlament të mos shpallet antikushtetuese. Kjo është shumë e rëndë. Mbaj përgjegjësi për këto që them. Kushtetuta aktuale ia njeh të drejtën që të çosh në Gjykatën Kushtetuese edhe një nen që miratohet me referendum. Nëse një nen i ri kushtetues që do të miratohet, bie ndesh me një nen tjetër ekzistues të kushtetutës, nuk do të jepet mundësia se cili nga të dy është antikushtetues. Po e fusim në një konflikt të madh Kushtetutën e vendit.

Po ekspertët e huaj janë dakord me këtë?
Një pjesë e tyre po, sepse kanë marrë shpjegimin se është zgjedhje e politikës ky formulim. Së dyti, kërkohet që të ndalohet me Kushtetutë krijimi i gjykatave speciale. Nëse miratohet kjo, Gjykata e Krimeve të Rënda del jashtë funksioni, sepse është gjykatë speciale. U interesova se cila është arsyeja që duhet ta vendosim këtë ndalim në Kushtetutë?! Shpjegimi ishte që të mos ketë një gjykatë në të ardhmen që të hetojë krimet e komunizmit. Kjo për mua është e papranueshme. Nëse Shqipëria nuk heton krimet e kohës së komunizmit, për ata që kanë tejkaluar ligjet e kohës, duhen hetuar dhe dënuar. Në të kundërt Shqipëria nuk do të ketë paqe sociale. Së treti, kërkohet që të pezullohen 8 nene të Kushtetutës, që parashikojnë mbrojtjen e lirive dhe të drejtave të njeriut, të pezullohen deri në një masë të caktuar. E dini kur pezullohen liritë dhe të drejtat e njeriut, vetëm në rast lufte.

Pse është bërë kjo?
Sepse kërkohet të bëhet një proces vetingu për prokurorët dhe gjyqtarët. Parashikohet të ngrihet një Komision Disiplinor, i cili do t?u trokasë nëpër apartamente njerëzve dhe t?i pyesë se çfarë mendimi keni për iks gjyqtar. Nëse mblidhen të dhëna që ky gjyqtar nuk është i mirë, korrekt, merr para, por pa e provuar këtë me fakte, atëherë ky komision ka të drejta ekskluzive që ta shkarkojë gjyqtarin. Ne sot i garantojmë kriminelit më të madh që ka vrarë njerëz, të drejtën e gjykimit në të tria shkallët e gjyqësorit e deri në Gjykatën e të Drejtave të Njeriut në Strasburg. Gjyqtari që ky komision ka vendosur ta përzërë nga sistemi, i mohohet e drejta që të shkojë dhe ta ankimojë në gjykatë këtë vendim. Kjo është e papranueshme për mua.

A po merren modelet më të mira në reformat apo nismat e qeverisë?
Po marr një shembull shumë të thjeshtë. Një nga çështjet që po diskutohet sot për mënyrën se si po përdoren fondet publike është edhe ajo e marrjes së makinave të reja për institucionet, ku është vendosur që institucionit të Presidentit do t?i jepen edhe dy makina.

Ju do t?i refuzoni?
Unë gjej rastin që ta falënderoj sinqerisht Kryeministrin që ka menduar të ndihmojë institucionin e Presidentit të Republikës me këtë infrastrukturë lëvizëse. Por Presidenca nuk mund t?i marrë dhe nuk do t?i marrë sepse nuk kemi mundësi për t?i mbajtur. Sot ne si Presidencë shpenzojmë 10 milionë lekë të vjetra në vit për mirëmbajtjen e 3 makinave, që shkon në rreth 3 milionë për një makinë në vit. Na kërkohet që të paguajmë 110 milionë lekë për dy makina. Ne nuk i kemi këto para. Por edhe nëse qeveria do të jetë e gatshme dhe bujare që të na i japë këto para, ne do të preferonim që këto para të na i jepte për gjëra më të nevojshme. Prandaj ne nuk mund t?i marrim ato dhe nuk do t?i marrim.

Atëherë, mund të themi se Nishani refuzon ?Jaguar?-ët e Ramës??
Nuk është parashikuar për Presidentin dhe nivelet e larta ?Jaguar?-i, por ?Mercedes?- i. Por kjo nuk ka rëndësi, unë po e adresoj këtë për standardin./Panorama