web counter
LEXO PA REKLAMA!

SHKARKO APP

App Store
Google Play

E fundit!

x

Basha takon tregëtarët e Fierit: Rama mes luksit në Hong Kong, ekonomia në depresion

28 Tetor 2015, 13:13, Politikë CNA

Kreu i Partise Demokratike Lulzim Basha vijoi turin e takimeve me tregtarët në qytetin e Fierit.   Gjatë fjalës së tij ai tha se qeveria po shton pasurinë e vet ndërsa ekonomia është në depresion. Këtu Basha iu referuar raportit të Bankës Botërore.

?Ndërkohë që Edi Rama është në luks të shfrenuar në Hong Kong, BB thotë se Shqipëria ka rënë në pikiate, ekonomia është në depresion. Kam ardhur të ndajmë jo vetëm revoltën për shkopin arbitrar që godet qytetarët ndërsa janë duke u shtuar në mënyrë marramendëse pasuria e oligarkëve në qeveri. 30 milionë dollarë që i mungojnë buxhetit në një muaj kanë shkuar për të shtuar pasurinë e qeveritarëve. Shkaku i varfërisë është kërbaçi, politika e padrejtë e taksave?, tha kreu i PD.

Nëse PD fiton zgjedhjet e 2017, Basha tha se do ulë taksat, çmimin e energjisë, naftës etj.    ?Ulja me e madhe e taksave duke nisur me tatim fitimin uljen me 6 %. Bizneset do të paguajnë vetëm 9 % tatim fitimi. Rreth 500 milionë lekë që merr qeveria nga taksat e rritura dhe që përfundojnë në xhepat e tyre do t?ia kthejmë ekonomisë për të hapur vende pune si prioriteti ynë më i madh, për të krijuar më shumë mundësi për biznesin dhe për ti dhënë frymëmarrje ekonomiste. Do të rrisim tavanin e biznesit të vogël në 120 milionë lekë. Do të ulim çmimin e energjisë duke ulur me 15 % TVSH për biznesin dhe me 19 % për konsumatorët. Do të ulim çmimin e naftës duke ulur 240 lekë taksën e qarkullimit. Falim pa kushte të gjitha kamatëvonesat e energjisë?, tha Basha.





Lajmet e fundit nga