E fundit!

22:29 Aktualitet

Protestuesit largohen nga Kryeministria/ Nisin marshimin në rrugët e kryeqytetit

Protestuesit janë larguar nga sheshi para Kryeministrisë, ...

KLSH: Ministria e Kulturës ka dështuar me mbrojtjen e trashëgimisë kulturore

27 Tetor 2015, 08:38, Politikë CNA

Kontrolli i Lartë i Shtetit kritikon ashpër Ministrinë e Kulturës për mungesën e një strategjie afatgjatë si dhe të një plani kombëtar mbi ruajtjen, mbrojtjen dhe kujdesin e trashëgimisë kombëtare. KLSH vlerëson madje se prioritetet kryesore të punës së Ministrisë së Kulturës parashtrohen në fjalën e ministres. Në një audit të ushtruar në këtë ministri, KLSH vëren se edhe pse për periudhën 2012-2014, ministria ka hartuar dokumente strategjike, ato nuk janë miratuar, duke mos gjetur zbatim në ruajtjen, mbrojtjen dhe kujdesin e TK kombëtare. ?Aktualisht, MK nuk ka një strategji dhe prioritetet kryesore të punës së saj parashtrohen në fjalën e ministres së Kulturës. Gjithashtu, MK nuk ka një Plan të Përgjithshëm Kombëtar në fushën e trashëgimisë Kulturore, por plane veprimi në bazë të programit të qeverisë. Aktualisht, sipas MK zbatohet plani i veprimit ?300 ditët? për periudhën korrik 2014 ? prill 2015, në të cilin janë vendosur objektivat dhe afatet kohore për arritjen e tyre?, thuhet në raportin e KLSH, sipas të cilit, ministria në kuadër të PPK, tashmë ka nisur procesin e hartimit të një Strategjie Kombëtare për Kulturën dhe Trashëgiminë Kulturore, për periudhën 2014-2020. Ndërkohë, KLSH rekomandon që MK të hartojë urgjentisht një politikë afatgjatë për të siguruar mbrojtjen dhe promovimin e turizmit kulturor, përfundimin e katalogimit dhe paraqitjes së vlerave kulturore të Shqipërisë, krijimin e lehtësive për publikun që të njohë e shfrytëzojë pasuritë kulturore. ?Nëpërmjet politikave afatgjatë ajo duhet të synojë ndërtimin e një sistemi menaxhimi modern të TK duke përfshirë restaurimin dhe konservimin e monumenteve në planet urbanistike e mjedisore, rehabilitimin e qendrave e qyteteve muze dhe përmirësimin e vazhdueshëm të infrastrukturës, me qëllimin për tí shndërruar ato në qendra të hapura ndaj vizitorëve vendas dhe të huaj. Përmirësimet ligjore dhe zbatimi i sanksioneve duhet të sigurojnë një mbrojtje efikase për trashëgimisë kulturore, duke mos lejuar ndërtimet pa leje në zonat e mbrojtura si dhe duke denoncuar lejet e dhëna në kundërshtim me Ligjin për Trashëgiminë Kulturore?, rekomandon më tej KLSH. Sipas këtij institucioni, rëndësi duhet t?i kushtohet edhe rivendosjes së besimit në kapacitetin e strukturave shtetërore dhe bashkëpunimit me pushtetin vendor dhe institucionet shkencore të vendit për ruajtjen, studimin dhe mirë-menaxhimin e trashëgimisë kulturore.

Kontrolli në ASHA dhe IMK

Në auditimin për menaxhimin e trashëgimisë kulturore, KLSH veç Ministrisë së Kulturës, përfshirë dhe Agjencinë e Shpëtimit Arkeologjik dhe Institutin e Monumenteve të Kulturës. KLSH vëren se që nga krijimi i saj, Agjencinë e Shpëtimit Arkeologjik nuk ka patur strategji zhvillimi afatmesme apo afatgjatë dhe plan veprimi të mirëfilltë. Gjithashtu, sipas KLSH, nxitur nga zhvillimet dhe problemet themelore të kërkimit shkencor arkeologjik, ajo nuk ka propozuar hartimin e Strategjisë së Integrimit të Kërkimit Arkeologjik. Mospasja e një strategjie të qartë ka bërë që ASHA të mos evoluojë një politikë afatgjatë për ruajtjen, mbrojtjen e trashëgimisë kulturore, pasi një nga aspektet më të rëndësishme të funksionimit mirë të një institucioni, është procesi i planifikimit. ?Është e rëndësishme të theksojmë se masat e deritanishme të përdorura për mbrojtjen e trashëgimisë kulturore në procesin e planifikimit nuk janë marrë aspak sipas strukturave të saj, hartimi i strategjisë përbën një ndër përparësitë e veprimtarisë së saj në vijimësi?, konstaton KLSH. Sipas këtij institucioni, ASHA nuk i ka arritur objektivat për të cilat është ngritur si institucion në drejtim të mbikëqyrjes arkeologjike për projektet e mëdha të infrastrukturës me qëllim mbrojtjen e trashëgimisë kulturore. Ndërsa për IMK, KLSH thotë se funksioni parësor i IMK, i cili ka të bëjë me evidentimin, gjurmimin, studimin, konservimin, dhe restaurimin e veprave të artit dhe monumenteve të tjera të TK, nuk udhëhiqet nga një parashikim rezultatesh që pritet të arrijë kjo njësi. ?Mungesa e një baze të dhënash të plota e të përditësuara për vendndodhjet dhe gjendjen e monumenteve të kulturës, si dhe zvarritja e procesit të pasaportizimit të tyre, ka bërë që ndërhyrjet në monumente të mos realizohen sipas nevojës dhe në shumë raste këto monumente janë dëmtuar tërësisht, duke u hequr nga lista e monumenteve të kulturës?, konkludon KLSH. / sot