Deputeti 3K jep udhëzime për t’u lejuar kritikat në parti

23 Tetor 2015, 20:21, Aktualitet CNA

Deputeti 3K ka vendosur t?i japë një dorë demokratizimit në parti. Kishte kaq kohë që partia ishte e fjetur dhe askush nuk bënte kritika dhe nuk ngrinte zërin. Pas shumë përpjekjesh për të nxitur debate, deputeti 3K kishte kuptuar se çdo gjë dështonte për shkak të motivit të njerëzve për të bërë kritika. Ata nuk kishin asnjë arsye të kritikonin partinë, se ishin të kënaqur.

U thoshte deputetëve, ?po bëni një kritikë ndaj qeverisë?.

-Në asnjë mënyrë, thoshin deputetët. Po shkon puna shumë mirë.

U thoshte ?po bëni kritikë për punësimin?.

-Në asnjë mënyrë, po shkon shumë mirë.

U thoshte ?po bëni një kritikë për tenderat?.

-Në asnjë mënyrë, po shkon shumë mirë.

Atëherë bëri një plan.

-Shqiptarit po nuk iu prek interesi, nuk reagon kurrë, tha me vete.

I shpjegoi Kryetarit të Madh planin sesi të ngjallnin kritikat brenda jetës së organizatës së partisë. I shpjegoi idenë dhe qëllimin final.

-Kujdes, i tha ai, se kritikat janë si rrënjët e gramit, po zunë vend, nuk shkulen.

-Jo, i tha deputeti 3K. Do ta bëjmë projekt pilot vetëm në Jug. Më bë të parin e Jugut dhe e eksperimentojmë atje.

Ashtu u bë. Sapo u bë i pari i Jugut, deputeti 3K punësoi dhjetë sekretare dhe i vuri secilës detyrë të merrej me një bashki dhe deputet. Për tre javë rresht i thërristë çdo dy ditë në mbledhje në Vlorë, ose Gjirokastër. Temat ishin të larmishme. Njëherë diskutuan si të zgjidhen kryepleqtë.

-Po e ka ligji, tha një deputet.

-Ka ligj, por dhe ka dhe 3K, i tha ai.

U qetësua deputeti.

Pastaj diskutuan si të mbarshtojnë kullotat.

-Po ne nuk jemi barinj, jemi deputetë, i tha një tjetër.

-Nuk i dihet, duhet të jesh i përgatitur për gjithçka, i tha deputeti 3K.

Filloi të gëzonte, pasi e pa që po ngjallej fryma e kritikës. Por kishte nevojë për një shpërthim më të madh.

Në mbledhjen e tretë vendosi të marrë dhe gruan dhe mbledhjen e drejtoi ajo. U foli deputetëve për dashurinë e deputetit 3K për ta, për hallet e popullit, si dhe për planet për të ardhmen që ai kishte për gjithë rajonin.

Aty rreth orës 2 të natës kur mbledhja vazhdonte, një nga deputetët nuk e mbajti dot më.

-Unë do iki të fle, tha. Nuk duroj dot.

Pas tij u ngritën në këmbë si me komandë të gjithë.

-Do ikim, i thanë.

Deputeti 3K u duk sikur rilindi. E ndjeu që diçka e madhe po ndodhte. Rebelimi kishte filluar. U ul i gëzuar në telefon dhe i shkroi një mesazh udhëheqësit të madh.

?Biri im. Fara e demokracisë së vërtetë që po mbjell, po jep shpejt frytet e veta. Me tre mbledhje kam arritur t?i bëj të pakënaqur. Brenda muajit, të siguroj se e ke të garantuar demokracinë e brendshme në parti dhe debatin.?