E fundit!

13:55 Aktualitet

Shtyhet afati i skemës kombëtare/ Salla: Në vijim diskutimet për IPARD

Ministri i Bujqësisë, Andis Salla, njoftoi shtyrjen me 10 ...

Ja institucionet ku "fitoi" tenderat kompania e Ilir Beqaj/Miliona lekë edhe nga Ministria e Shëndetësisë

20 Tetor 2015, 11:15, Aktualitet CNA

?Intech+?, ish-kompania e ministrit të Shëndetësisë, Ilir Beqaj, pothuajse të gjithë tenderat që ka përfituar gjatë dy viteve, i ka marrë nga ministritë e qeverisë ?Rama?. Pas zbulimit të skandalit se, në 22 muaj, kjo kompani mori 28 tendera, ajo që bie në sy është se janë kolegët e ministrit Beqaj që kanë firmosur kontrata me këtë kompani. Kompania në fjalë, ka përfituar tendera nga 10 institucione në total, ku 5 prej tyre janë ministri apo institucione në varësi të tyre, ndërsa të tjerët janë dhënë nga Bashkia e Durrësit, Universiteti i Tiranës dhe disa agjenci.

Ndonëse ministri Beqaj deklaroi se i ka shitur aksionet e kompanisë dhe nuk ka pasur lidhje me të, fakti që tenderat janë dhënë nga kolegë të tij ngre shumë dyshime dhe pikëpyetje. ?Intech+?, duket se ka pasur një marrëdhënie shumë të mirë me dy ministri, atë të Financave dhe atë të Inovacionit, të cilat janë në krye të listës së dhënieve të tenderave.

Secila prej tyre i kanë dhënë ish-kompanisë së Beqajt nga 6 tenderë. Teksa vetë Shkëlqim Cani ia ka dhënë këto tendera drejtpërdrejt nga Ministria e Financave, Milena Harito e ka bërë këtë gjë përmes Agjencisë Kombëtare të Shoqërisë së Informacionit, institucion ky në varësi të Ministrisë së Inovacionit dhe Administratës. Kompania në fjalë, përmes tenderave të marrë nga Ministria e Financave, ka përfituar 255.8 milionë lekë të reja, ndërsa nga tenderat e Ministrisë së Inovacionit ka marrë 359 milionë lekë të reja. Pra, vetëm nga dy ministri, ish-kompania e ministrit të Shëndetësisë ka marrë 12 tenderë, me një vlerë në total rreth 615 milionë lekë të reja, ose rreth 6.15 miliardë lekë të vjetra.

Tenderët e dhënë nga Ahmetaj e Veliaj

Ish-kompania e ministrit të Shëndetësisë, Ilir Beqaj, përveç fitimit të tenderave nga Ministria e Financave dhe ajo e Inovacionit, ka mundur të marrë tenderë nga Arben Ahmetaj dhe Erion Veliaj. ?Intech+? ka përfituar pesë tenderë nga ALBCONTROL, institucion ky në pronësi të Ministrisë së Zhvillimit Ekonomik, Tregtisë, Turizmit dhe Sipërmarrjes. Nga këto pesë tendera, kompania ka marrë 110.7 milionë lekë të reja. Kompania ka përfituar tendera edhe nga Ministria e Mirëqenies Sociale dhe Rinisë, e drejtuar nga Erion Veliaj në atë kohë. Tre tenderat me vlerë 209.5 milionë lekë janë dhënë nga Instituti i Sigurimeve Shoqërore, që është në varësi të kësaj ministrie.

Bashkia e Durrësit dhe MSH

Kompania ?Intech+? ka përfituar tendera dhe nga vetë Ministria e Shëndetësisë. Në vitin 2014 Fondi i Sigurimit të Detyrueshëm të Kujdesit Shëndetësor, në varësi të MSH, i ka dhanë kompanisë në fjalë një tender me vlerë 7 milionë lekë. Një tjetër institucion që ka bashkëpunuar me të është dhe Bashkia e Durrësit. Bëhet fjalë për një tender në vitin 2014 me vlerë 2.2 milionë lekë. Si për ironi, një tender i dhënë për këtë bashki në vitin 2011 i hoqi mandatin e deputetit Ilir Beqajt.