E fundit!

22:15 Aktualitet

Aksident me një viktimë në autostradën Vlorë-Fier

Një aksident rrugor me një viktimë ka ndodhur mbrëmjen e s...

Bujar Nishani: Kam dëshmitarë se mua dhe familjen time na kanë përgjuar punonjës të administratës

20 Tetor 2015, 09:35, Aktualitet CNA

Presidenti Bujar Nishani vazhdon të këmbëngulë se ai dhe familja e tij është në përgjim.

Gjatë një interviste për emisionin ?5 pyetje nga Babaramo?, Nishani ka thënë se ka fakte dhe dëshmitarë se është nën përgjim.

Në një intervistë pak javë më parë jeni shprehur se ku familja juaj ndiheni i survejuar. Por ndaluar aty nuk dhatë asnjë detaj. Ky survejim vazhdon akoma apo gjerat kanë ndryshuar?

Jo nuk thash, unë kam fakte dhe dëshmitarë që presidenti, në aspektin privat familjar, jo institucional, ka qenë nën kontroll, nën verifikim, nën monitorim, përfshirë dhe përgjimin dhe familjarë të mijë.

Nga SHIK-u apo struktura të tjera?

Nuk mund të bëj për momentin se kjo është një çështje që do të hetohet sepse unë do të kërkoj që të hetohet se nuk mund të mbyllet. Thash ka prova dhe dëshmi për këtë çështje.

Çfarë provove dhe dëshmove? Mund të jeni më shpjegues?

Se çfarë është dëshmuar nuk e di sepse dëshmia bëhet nga ata që kanë kontrolluar jetën familjare dhe private të presidentit. Por elementë të detajuar unë nuk do ti bëj publike deri në një hetim serioz. Se unë besoj që do të ketë një hetim serioz.

E keni kërkuar një hetim?

Jo ende. Do ta kërkoj në momentin që do të krijohen kushtet të përshtatshme për këtë.

Kjo mbetet e drejta ime pastaj.

Kjo është një akuzë shumë e fortë z. Presidenti. Që Kryetari i shtetit të jetë nën përgjim duhen fakte shumë integrale, domethënëse, shumë bindëse?

Patjetër që është e rëndë. Prandaj e kam thënë që ata që kanë marrë përsipër ta kryejnë këtë kanë bërë një gabim fatal.

Ju nga e dini që e kanë marrë përsipër?

Sepse një punonjës i administratës shtetërore nuk mund ta kryejë në mënyrë individuale dhe të pavarur një akt të tillë. Patjetër që ka marrë kërkesë nga dikush tjetër. Do të ishte përsipër që të pretendojë që dikush ta bëjë në mënyrë individuale. Detajet se çfarë ka ndodhur do të jenë objekt hetimi./ Shqiptarja.com/