web counter
LEXO PA REKLAMA!

SHKARKO APP

App Store
Google Play

Ministria  e Shëndetësisë: Alternativa e PD-së, të shpifë çdo ditë

19 Tetor 2015, 16:19, Aktualitet CNA

Përmes një deklarate për shtyp, Ministria e Shëndetësisë ka reaguar lidhur me akuzat e selisë blu për përfshirjen e ministrit Ilir Beqja me aferat e një kompanie që ka përfituar tendera.

Ministria shprehet se alternativa e vetme e PD-së është të shpifë çdo ditë.

Deklarata për media nga Ministria e Shëndetësisë

Partia Demokratike është duke përsëritur për të disatën ditë rresht të njëjtin pretendim, për të cilin ka marrë përgjigje të hollësishme nga ministri. Nëse edhe pas përgjigjes me fakte dhe argumente, PD vazhdon të hedhë të njëjtën baltë, nuk mbetet asgjë tjetër, përveçse të mendosh se alternativa e vetme e PD-së është të përsërisë të njëjtat shpifje çdo ditë.

Ministria e Shëndetësisë ka punë për të bërë dhe nuk kemi kohë të merremi me baltën e SHQUP-it, për të cilën kanë marrë përgjigje. Nëse ata nuk kanë punë tjetër, veçse të përsërisin shpifjet e tyre çdo ditë, ne kemi ende shumë për të bërë për ta nxjerrë shëndetësinë nga humnera ku e ka zhytur PD.

Më heret, Partia Demokratike nëpërmjet një deklarate për mediat bërë nga deputetja, Arbiola Halimi, thuhet se ?ministri Ilir Beqja nuk ka dhënë asnjë përgjigje për akuzat e bëra në lidhje me një nga aferat e tij më të bujshme, gjë që e ka bërë kampion të korrupsionit. Kompania e themeluar prej tij, qysh se Ilir Beqa mori pushtet, ka fituar 28 tendera në 22 muaj me vlerë 11 milionë euro, para të taksapaguesve shqiptarë?.





Lajmet e fundit nga