web counter
LEXO PA REKLAMA!

SHKARKO APP

App Store
Google Play

Basha për Nënë Terezën

19 Tetor 2015, 11:29, Aktualitet CNA

Kryetari i PD-së ka bërë një shkrim në “Facebook” për Nënë Terezën.

Ja cfarë shkruan ai:

“Kjo ditë e përkujtimit të Shenjtërimit të Nënë Terezës është një ditë reflektimi për ditë të vështira që janë ulur këmbëkryq në mijëra vatra familjare shqiptare. Shqiptarja e madhe që u nderua me çmimin Nobel për Paqen u ka dhënë një shembull të madh, jo vetëm të krishterëve anembanë botës, jo vetëm shqiptarëve nga gjiri i të cilëve doli, por gjithë civilizimit. Shembullin se me forcën e shpirtit nuk ka gjë që nuk tejkalohet!

Kjo forcë e shpirtit, duhet për të kuptuar dhe për të besuar, për të qenë të bindur se nëse kujdesemi për njëri-tjetrin, në qoftë se mendojmë për fatin e njëri-tjetrit, jo vetëm për fatin tonë, veçanërisht ne njerëzit e vendimmarrjes vendore dhe qendrore të politikës, atëherë nuk ka vështirësi që nuk tejkalohet dhe nuk ka problem që nuk zgjidhet.

E keqja e të keqes është kur pushon së kujdesuri, së shqetësuari për fatin e njerëzve siç fatkeqësisht ka ndodhur me pushtetin e sotëm. Me forcën e shpirtit, me dashurinë dhe ndjenjën që na ka ushqyër Nënë Tereza, të kujdesit ndaj njëri-tjetrit ne do ti kthejmë shpresën qytetarëve tanë.

Të bëhemi bashkë rreth të mirës e ti themi ndal të keqes që po na gërryen ditë për ditë në siguritë tona, mirëqenien tonë, në shëndetin tonë dhe të fëmijëve tanë. Ky është reflektimi në këtë dite përkujtimi të të bekuarës Nënë Terezë”, përfundon shkrimi.





Lajmet e fundit nga