Topalli: Vepra e Nënë Terezës është një antipod i asaj që po jetojmë sot

19 Tetor 2015, 12:01, Aktualitet CNA

Deputetja e Partisë Demokratike, Jozefina Topalli ka bërë një shkrim mjaft të goditur duke vendosur një paralelizëm ndërmjet situatës që ndodhemi ne sot dhe veprës së Nënë Terezës në ditën e saj të lumturimit.

Sipas saj, shumë nga ne flasin për mirësinë dhe dhembshurinë, por e vërteta është krejtësisht tjetër, pasi Shqipëria është një ndër vendet që po vuan më shumë e e keqja e saj qëndron tek njerëzit që kanë në dorë fatet e këtij vendi. Topalli thotë se ndryshe nga këto që po e rrokullisin vendi drejt një gremine, Nënë Tereza i jetonte virtytet e mirësisë dhe dhembshurisë.

Shkodranja arrin mjaft bukur të vendosë një antipod të plotë ndërmjet shenjtores që krenon gjithë shqiptarët me madhështinë që e rrethon dhe turpit të popullit që po qeveriset nga njerëz që nuk të zgjidhen edhe hallet më elementare.

?Njerëzit që vuajnë nuk kanë ku të drejtojnë sytë?, thekson Topalli.

Shkrimi i plotë:

?Shume nga ne ( perfshire kete qe po shkruan) sic thoshte Reagan flasim per miresine dhe dhembshurine , por Nene Teresa , shenjtorja e te pamundurve, e jetonte ate!

Sot eshte dita e pervjetorit te Lumturimit te Nene Terezes, gruas me te madhe shqiptare ne bote!
Natyrisht nuk munguan fjalimet e politikaneve per te. Shume mire!!!
Une nuk e dij cfare do thoshte ajo po te ishte gjalle, por besoj se mbreteresha e dhembshurise para fjalimeve do kishte preferuar tjeter gje, ne nje vend ku:
Te gjithe jane turrur kunder te gjitheve.
Ku, shumica e njerezve pa pune e pa shprese duan vetem te ikin
Ku, femijet shqiptare te pashoqeruar ne Itali zejne vendin e dyte pas Egjiptit

Ku Femijet e popullit te saj, kryesisht të moshës 15-17 vjeç, futen në Britaninë e Madhe nga grupe të organizuara të trafikut dhe një pjesë e tyre shfrytëzohen për veprimtari te paligjshme. Pas Vietnamit, fëmijët shqiptarë mbajnë vendin e dytë për nga numri i lartë që shfrytëzohen për prostitucion, krime të ndryshme, lypje apo punë të detyruar.

Ku shqiptaret e ikur ne Gjermani perbejne numrin me te madh te azilkerkuesve pas Sirise qe dergjet ne nje lufte civile prej vitesh.
Ku politika s eshte me politike se eshte kthyer ne biznes te fuqishem pasurimi, ku degradimi , fyerjet, mashtrimet, llumi ka ka marre drejtimin.
Na ka mbetur vetem te krenohemi me nene Terezen…
Por kete vend e shoh vetem duke u rrokullisur, njerezit qe vuajne nuk kane ku drejtojne syte, nderkohe qe hipokrizia, degradimi, mjerimi ,ai ekonomik e shpirteror ka trimfuar!
Tani vendos vetem paraja dhe mafia! Kudo!

Shume nga ne ( perfshire kete qe po shkruan) sic thoshte Reagan flasim per miresine dhe dhembshurine , por Nene Teresa , shenjtorja e te pamundurve, e jetonte ate!?, përfundon Topalli.