web counter
LEXO PA REKLAMA!

SHKARKO APP

App Store
Google Play

E fundit!

x

PD, Keta: Rama dhe Beqja biznes kriminal me barnat

4 Tetor 2015, 10:23, Aktualitet CNA

Partia Demokratike akuzoi kryeministrin Edi Rama dhe ministrin e Shëndetësisë Ilir Beqja se janë duke u tallur me jetën e qytetarëve dhe i kanë lënë rrugë të lirë kontrabandës së ilaçeve.

Në një deklaratë për media nga selia e PD-së, deputeti, Roland Keta shprehet:

?Një vit më parë, me bekimin e Edi Ramës, Ilir Beqja futi duart në sigurinë e medikamenteve, për t?i hapur rrugën klientelës qeveritare, përmes modifikimit që i bëri tenderit me urdhrin e tij. Pas kësaj, ne pamë se në spitalet tona plasën skandalet e barnave me origjinë të dyshimtë, që paguheshin shtrenjtë nga qytetarët dhe nuk ishin efektivë. Sot, këtë çmenduri, këtë kaos, mungesë kontrolli e sigurie për medikamentet, Ilir Beqja kërkon ta sanksionojë me ligj. Qeveria, Edi Rama dhe Ilir Beqja, po kërkojnë të heqin pikërisht atë nen të ligjit që shërben si garanci për ilaçet që hyjnë në vendin tone. Kjo garanci për pacientët shqiptarë është pengesë për biznesin e Ramës dhe Beqajt, ndaj ata po kërkojnë ta heqin, duke vënë në rrezik shëndetin, sigurinë e barit, cilësinë e tij. Partia Demokratike e dënon fuqimisht këtë përpjekje kriminale të Ramës dhe Beqajt, dhe fton qytetarët të reagojnë për të mbrojtur shëndetin e tyre. Të mos lejojnë këmbimin e shëndetit me biznesin e ilaçeve të dyshes Rama-Beqja?, përfundon Keta.





Lajmet e fundit nga