web counter
LEXO PA REKLAMA!

SHKARKO APP

App Store
Google Play

E fundit!

x

Rama-Meta, mbyllen debatet?/Ndryshime ne qeveri

4 Tetor 2015, 07:10, Aktualitet CNA

Dy drejtuesit e koalicionit në pushtet, Edi Rama dhe Ilir Meta, sipas te perditshmes SOT, kanë sheshuar mosmarrëveshjet, keqkuptimet dhe divergjencat e shtatorit. Fërkimet dhe xixat e javëve të fundit në koalicion do të përfundojnë me disa ndryshime në qeveri. Takimi urgjent prej 90 minutash, mes dy drejtuesve të koalicionit në pushtet, duket se ka kthyer më në fund qetësinë e humbur në kampin e pushtetit. Kureshtja dhe misteri që pasuan pas shprehjes ?Meritoni një fundjavë të qetë?, kanë zgjatur vetëm pak orë.

Edi Rama dhe Ilir Meta, pas një orë e gjysmë bisede kokë më kokë, kanë zgjidhur të gjitha mosmarrëveshjet dhe kontradiktat e përfolura në koalicion.   Sipas burimeve, Rama dhe Meta, ditën e hënë do të dalin në një konferencë për shtyp, ku do të konfirmojnë zyrtarisht koalicionin dhe vijimin e aleancës përtej zgjedhjeve të 2017.

Dy drejtuesit e shumicës në pushtet pritet t?i japin fund ditën e hënën mjegullnajës, thashethemnajës dhe intrigave për krisjen e aleancës PS-LSI. Megjithatë, sheshimi i mosmarrëveshjeve në koalicion, duket se nuk ka qenë çështja kryesore që ka dominuar takimin mes Edi Ramës dhe Ilir Metës. Prezenca e kryetarit të grupit parlamentare të LSI, Petrit Vasili dhe e ministrit të Drejtësisë, Nasip Naço në Kryesinë e Kuvendit, konfirmuan se qëllimi kryesor i takimit Rama-Meta, ishte plani për lëvizje dhe ndryshime rrënjësore në qeveri.

Pas përfundimit të takimit Rama-Meta, në kryesinë e Kuvendit ka hyrë ministri i Drejtësisë, Nasip Naço, duke konfirmuar lëvizjet intensive mes Kryeministrisë dhe Kuvendit. Zëra pranë dy drejtuesve të koalicionit kanë konfirmuar planet për ndryshime masive në qeveri, gjatë ditëve në vijim. Ministrat që do të largohen dhe anëtarët e rinj të kabinetit qeveritar pritet të mësohen javën e ardhshme.

 





Lajmet e fundit nga