E fundit!

14:34 Aktualitet

Kërcënim për sigurinë kombëtare/ Ikballe Berisha shpallet “non grata” në Shqipëri

Ministri i Brendshëm Besfort Lamallari ka nxjerrë urdhrin ...

Spartak Ngjela: Rama, një kryeministër kaqol që i flet botës si Enver Hoxha

3 Tetor 2015, 14:00, Aktualitet CNA

Spartak Ngjela ka shpërthyer ndaj kryeministrit Edi Rama.

Ai e konsideron atë si kaqol, që i flet botës si Enver Hoxha, duke iu referuar fjalimit të tij në OKB.

Sipas Ngjelës, Rama u nis të luftojë Berishën dhe Metën, por tashmë është trembur nga një bashkim i tyre.

?Një kryeministër që vjen vërdallë me karakterin kaqol që ka, që, një herë niset për të mbrojtur shqiptarët kundër Metës dhe Berishës, dhe pastaj trembet nga bashkimi i tyre, dhe pranon sërish Metën që ky të vazhdojë të vjedhë, dhe ky kryeministër, që nuk di asgjë, të kënaqet duke folur në OKB, në një sallë bosh që nuk e dëgjon njeri se flet budallallëqe, njëlloj si gomari diktator Enver Hoxha, që kërkonte të bindte jo, vetëm shqiptaërt, por të gjithë Botën se ai drejtonte Botën. Turp historik!!!

Por çfarë do të bëjne shqiptarët? A do t?i durojnë këta injorantë, hajdutë, dhe, edhe abuzuesë, që të shkelin mbi djersën dhe mundin e tyre, dhe, për më tepër, që të shkelin mbi perspektivën e historisë shqiptare? Nëse nuk do të ngrihen që t?i hedhin abuzuesit aktualë nëpër bodrumet nga kanë dalë, historia jonë do të jetë edhe më e dhimbshme.

Shiheni se çfarë ndodh: në Qipro janë mëse tre pushtetarë hajdutë shqiptarë që kanë humbur miliona dollarë nga falimentimi i bankavë të Qipros.

Doganat, deri tani, për vitin 2015, kanë realizuar vetëm 70 përqind të planit, edhe pse atë e kanë ulur deri ku nuk mbante më. Turp i madh, sepse kjo është vjedhje e madhe. Kudo vidhet, dhe Meta, pasi vjedh gjithë ditën me ministrat e tij injorantë, nxjerr në skenë edhe një vidieo pornografike, kurse televizionet shqiptare, një turp i nivelit drejtues të tyre, e transmetojnë këtë pornografi, me subjekt të njohur, ose nga frika, ose nga lëmosha, sepse janë drejt falimenitit.

Kurse Rama, një kryeministër pafille, flet në OKB, për të ?drejtuar Botën?, në një sallë Bosh; njëlloj si salla e Nesti Nases, ministrit të Enver Hoxhën, që shkonte aty për të ?drejtuar Botën?.

Tallje e madhe, që po vazhdon; por një tallje me shqiptarët, që shfrytëzohen dhe vidhen deri në palcë, që pastaj të na gëzojë një pushtet imagjinar një Rama, Rama, kryeministër që i duket vetja si Enver Hoxha, sepse nuk di fare që anija po i mbytet, pikërisht se ai nuk pranohet në Perëndim. Edhe pse i flet Botës në një sallë Bosh.

Dhe turpi do të vijojë, derisa të ngrihen shqiptarët për t?i shporrur. Por a kanë mundësi të ngrihen? Historia na ka dhënë një eksperiencë të hidhur, që iu ka dhënë gjithmonë kurajë pushteteve abuzuese në Shqipëri. Por, gjithsesi, le të shohim tani, në këtë kohë kur shqptarët që po vuajnë nga abuzimi i pushteteve poiltikë, kanë me vete Uashingtonin dhe Berlinin, por edhe politikën e Bashkimit Europian?, shkruan Ngjela.