Avokati i Popullit rekomandim Financave dhe Tatimeve për tregtarët pranë spitalit nr.5

3 Tetor 2015, 11:58, Aktualitet CNA

Avokati i Popullit, Igli Totozani i ka bërë një një rekomandim Financave dhe Tatimeve për tregtarët pranë spitalit numër 5.

Sipas këtij Institucioni, më datën 1 Tetor 2015 është paraqitur ankesa e një përfaqësie e tregtarëve ambulantë që ushtrojnë aktivitetin e tyre të shitjes me pakicë, kryesisht veshje të përdorura dhe mallra të vjetra.

Rekomandimi i plotë:

?Objekti i ankesës është i njëjtë dhe përbën një shqetësim shumë të madh për rreth 300 tregtarët dhe familjet e tyre, pasi në datë 1 Tetor administrata tatimore pranë Drejtorisë të Përgjithshme të Tatimeve, ka kryer kontrolle pranë këtij tregu, dhe për shkak të mungesës së regjistrimit të aktivitetit të tyre tregtar në organet tatimore, ju kanë sekuestruar mallin.

Nga takimi me këta persona, si dhe nga përmbajtja e ankesave të depozituara në Institucionin e Avokatit të Popullit rezulton se, ky treg përbën bazën e jetesës së familjeve që përfaqësojnë, pasi pjesa më e madhe e tyre janë gra familjare dhe kryefamiljarë që nuk kanë asnjë mjet tjetër jetese prej 25 vjetësh, duke mbajtur barrën ekonomike dhe financiare të pjesës tjetër të familjes që aktualisht është e papunë dhe e shumtë numerikisht.

Një grup i konsiderueshëm i tyre i përkasin komunitetit romë dhe egjyptian. Duhet të mbajmë në konsideratë faktin që ky komunitet është i njohur për ushtrimin e këtij lloj aktiviteti të tregtimit të veshjeve dhe mallrave të përdorur, ngarkesat e mëdha sociale që mbartin familjet e tyre, si dhe nivelin e dobët financiar dhe mjetet e pakta që ata disponojnë për të përballuar jetesën.

Për sa më sipër, për këtë kategori ?tregtarësh?, që zhvillon aktivitet tregtar ambulator në kushte kaq të vështira, mendojmë se duhet që të merren masa për rritjen e informacionit lidhur me procedurat e regjistrimit, pakësimin e kostove për kryerjen e këtyre procedurave për të gjithë ata individë që nuk kanë mundësi financiare njësoj si njësitë e tjera tregtare.

Këto subjekte duhet të gjejnë një karakterizim në ligj dhe aktet nënligjore për zbatim të tij, me qëllim që veprimtaria e tyre të jetë ligjore dhe e regjistruar por njëkohësisht të përcaktohen detyrime tatimore për ta në proporcion me të ardhurat që krijojnë, duke i konsideruar si tregtar ambulant ose kategori tjetër.

Ne jemi të mendimit se sekuestrimi I mallrave të këtyre tregtarëve ambulantë, dhe mbyllja e veprimtarisë së tyre, sjell njëkohësisht pasoja të rënda sociale dhe ekonomike për ta dhe familjet e tyre numerike.

Mbyllja e tregut në mënyrë të menjëhershme, do të ulë nivelin e jetesës të këtyre familjeve, do të rrisë numrin e të papunëve, si dhe do të rrisë numrin e njerëzve që do të drejtohen për të përfituar drejt skemave të ndihmës ekonomike.

Gjithashtu, Avokati i Popullit i ka drejtuar një kërkesë për informacion Kryetarit të Bashkisë së Tiranës, z. Erion Veliaj, për masat ligjore dhe efektive që ky institucion do të ndërmarrë, lidhur me krijimin e kushteve normale për ushtrimin e aktivitetit dhe pasjen e një ambienti të formalizuar tregtimi për këtë komunitet.

Përfaqësues të këtij komuniteti tregtarësh, kanë parashtruar pranë Institucionit të Avokatit të Popullit, shqetësimin e tyre lidhur me mungesën e angazhimit institucional të autoriteteve vendore sa i përket gjetjes së një zgjidhje efektive lidhur me krijimin e mundësive reale për të ushtruar aktivitetin e tyre tregtar. Theksojmë se për këtë komunitet, tregtimi ambulant paraqitet si e vetmja mundësi punësimi, dhe se problematika në fjalë është e një rëndësie jetike për ta.

Në këto kushte, Avokati i Popullit i ka dërguar një rekomandim edhe Ministrit të Financave, z. Shkëlqim Cani, dhe Drejtores së Përgjithshme të Tatimeve znj. Briseida Shehaj.

Rekomandojmë: