E fundit!

09:11 Aktualitet

Një hap më pranë Brukselit/ Gjermania përshëndet progresin e Shqipërisë në negociatat me BE

Ambasada Gjermane në Tiranë ka përshëndetur mbylljen e për...

Modeli “Bogdani”, modeli se si nuk duhet të jetë FRPD-ja

29 Shtator 2015, 14:04, Aktualitet CNA

Partia Demokratike ka njoftuar se së shpejti pritet të nisë riorganizimi i dy strukturave të saj paralele, FRPD-së dhe LDGSH-së, dy struktura të cilat deri më tani kanë qenë, pothuajse, inekzistente. Partia Demokratike në themel të saj ka pasur rininë, ëndrrën e saj për një Shqipëri më të mirë, ?si gjithë Evropa?.

Mirëpo, nëse ka një model se si nuk duhet të jetë Forumi Rinor i Partisë Demokratike, ai është modeli që përçoi në të Gert Bogdani, i cili deri pak kohë më parë ka mbajtur formalisht postin e kryetarit të këtij forumi, edhe pse nuk arriti asnjëherë të zgjidhet me votë ose të organizojë një kuvend rinor ku të merrte votëbesimin e të zgjedhurve në rrethe. Bogdani dha kontributin e jashtëzakonshëm për ta bërë inekzistentë në çdo qelizë FRPD-në.

I emëruar në një post që edhe për njëqind vjet nuk do të mund ta fitonte me votë, ai nuk arriti ta shtrijë asnjëherë autoritetin e tij në të gjithë degët e FRPD-së, gjë që bëri të krijojë një strukturë të ngushtë, paralele dhe klienteliste, dhe atë ta paraqesë si Forum Rinor të PD-së. Në fakt, ata ishin shokët dhe miqtë e tij dhe në shumicën e rasteve nuk kishin lidhje me forumin rinor të PD-së. Një burim i tha ?citynews.al? se klientelizmi i Bogdanit ka arritur në atë masë sa disa prej të përzgjedhurve të tij i kanë bërë ?dhuratë? kryetarit të tyre makinën me të cilën lëviz aktualisht.

Sigurisht që një informacion i tillë është i pakonfirmuar, mirëpo duke njohur mënyrën organizative të tij, nuk do të ishte çudi një gjë e tillë. Gjithsesi, FRPD-ja është një strukturë mjaft e rëndësishme për PD-në. Ndaj si pikënisje, për një proces të ndershëm, të pandikueshëm dhe të paanshëm, ajo duhet të kujdeset që ta mbajë pastër procesin zgjedhor, duke i besuar votës së të rinjve dhe jo ndërhyrjeve të Bogdanit apo atyre pak njerëzve të tij, të cilët vetëm se do të bënin pis procesin. Le të jenë të rinjtë e PD-së ata që duhet të vendosin se kush do t?i drejtojë për katër vitet e ardhshme. Andi Herja