web counter
LEXO PA REKLAMA!

SHKARKO APP

App Store
Google Play

Kruja: Antimafia italiane në alarm për drogën shqiptare

29 Shtator 2015, 09:31, Aktualitet CNA

Deputeti i PD-së, Keltis Kruja bëri publike për mediat deklaratën e Prokurorit të antimafias së Leces, Cataldo Motta.

Sipas këtyre burimeve droga në Shqipëri vazhdon me të njëjtat ritme, por tani ka nisur edhe trafiku i armëve.

Kruja shprehet se Shqipëria është e mbuluar nga droga dhe trafikantët kanë mbrojtjen e ministrit të Brendshëm.

Deklarata e plotë:

?Prokurori i antimafias së Leces, Cataldo Motta, bëri para dy ditësh një deklaratë tronditëse.

Ai tha se droga nga Shqipëria në Itali vazhdon me të njëjtat ritme, duke theksuar edhe narkotikët e fortë të Afganistanit që kalojnë tranzit në vendin tonë, por më shqetësuesja thotë zyrtari i lartë Italian, është se tani ka nisur edhe trafiku i armëve.

Prokurori i antimafias tha gjithashtu se krerët e këtyre grupeve kriminale që veprojnë në Itali e më gjërë, gjenden në Shqipëri.

Këto këmbana alarmi nga vendi fqinj vijnë në kohën kur Shqipëria është mbuluar nga droga, dhe kur në krye të ministrisë së rendit, qendron personi i akuzuar me prova e me fakte si i lidhur drejtpërdrejt me bandat e trafikut.

Eshtë normale që të shqetësohen autoritetet e vendit fqinj për trafikun e drogës, kur bandat e narkotrafikut përdorin makinën personale të Saimir Tahirit, gezojne imunitet të plotë dhe nuk preken dot nga policia.

Sigurisht që trafiku i drogës drejt Italisë do të vazhdojë kur të afërmit e ministrit, një grup kriminal i mbajtur nën vëzhgim, të njohur si kontigjentë, përdorin edhe makinën e ministrit, edhe skafin e tij.

Edi Rama mund të vazhdojë me propagandën e tij, mund të vazhdojë të jetë krenar me Saimirin e targës AA003GB, por e vërteta që dinë autoritetet italiane është ndryshe, është tronditëse.

E vërteta që dinë qytetarët shqiptarë është ndryshe. E vërteta është se droga ka mbuluar vendin, dhe se ministri i rendit është këmbë e krye i lidhur me trafikun e trafikantët.

Ka vetëm një rrugë. Largimi i tij nga detyra dhe nisja e një hetimi të plotë e serioz?, përfundon Kruja.





Lajmet e fundit nga