web counter
LEXO PA REKLAMA!

SHKARKO APP

App Store
Google Play

E fundit!

x

Përgjimi i Vojsava Ismailaj/ A ka LSI struktura paralele spiunazhi?

28 Shtator 2015, 18:38, Aktualitet CNA

Në ngjarjen e gruas së Kastriot Ismailaj, Vojsavës që ka takuar deputetin Tom Doshi dhe që më pas u denoncua për një gjë të tillë nga Spartak Braho, përpos akuzave dhe kundërakuzave me kërcënim bie në sy edhe një fakt tejet shqetësues: Ku e morri vesh LSI se me kë takohen dy qytetarë të këtij vendi? Kush i spiunoi ata? Dy janë hipotezat për këtë fakt flagrant. E para që si e afërmja e një njeriu të burgosur dhe që rrezikon ti rrëmbejë shtetit shqiptar 130 milionë euro, Vojsava Ismailaj të jetë në ndjekje nga organet e sigurisë. Po këtu lind pyetja se cilat qenkan këto organe shtetërore të cilat ditën punokan për shtetin, dhe në mbrëmje u rrefekan tek LSI-a?

Versioni i dytë është ai i një strukture paralele spiunazhi të kësaj partie e cila vë në ndjekje njerzit që rrezikojnë ta dëmtojnë. Kjo hipotezë bëhet edhe më e mundur nëse i referohemi videos së famshme të Dritan Priftit. Menjëherë sapo doli videoja e famshme kundër Metës në “Fiks Fare” LSI-a (e mbani mend cantën e famshme të zezë të Spartak Brahos) nxorri për përdorim të kufizuar disa video private shumë kompromentuese për Dritan Priftin. Ato nuk u shfaqën kurrë publikisht por ato iu treguan në rrethe të ngushta gazetarëve dhe politikanëve në mënyrë që të përdoreshin që prifti të mbyllte gojën. Dhe ato mbetën në cantën e zezë të baba Takut.

Por të dyja këto histori si videot private të Priftit ashtu edhe dekonspirimi i takimit të Tom Doshit me Vojsava Ismailajn ngrenë pikpyetjen: A mos ka vallë LSI një strukturë paralele për përndjekjen e kundërshtarëve të saj???/ Lapsi





Lajmet e fundit nga