web counter
LEXO PA REKLAMA!

SHKARKO APP

App Store
Google Play

Ngjela: Arrestoni Meten dhe merr fund korrupsioni

29 Shtator 2015, 06:37, Aktualitet CNA

Avokat Spartak Ngjela thotë se nëse do të arrestohet Ilir Meta, merr fund edhe korrupsioni i Sali Berishës. Duke komentuar aferën me mbledhjen e borxhve të CEZ, Ngjela shprehet se cështja ?Meta? tani duhet të lihet të rrjedhë vetë. Sipas tij as përpjekja e Berishës nuk e ndërpret dot.

?Pse është shqetësuar për ÇEZ-in Saliu? Dhe, pse është hedhur në një sulm qesharak me hetim ndërkombëtar? Sepse po i ikën Meta. Por mbas kompanisë së Metës, sigurisht do të vijë edhe radha e ?kompanive mjelëse? të Saliut. Saliu tani, për këtë arsye, po kërkon të zgjerrojë rrethin e implikimit, që të shpëtojë Metën. Në fakt brenda politikës është; por asaj mafioze, ama. Janë të dy të rrezikuar: nëse arrestohet Meta me gjithë këto skandale; merr fund edhe korrupsioni Berisha. Këtu ka ardhur politika sot. Po Rama, çfarë po bën? Ne nuk po shohim gjë, por nuk duhet të ngatërrohet. Kjo çeshtja Meta tani duhet të lihet të rrejdhe vetë. Po Saliu që po kërkon ta ndërpresë? Asgjë nuk bën dot, se krimi është jashtë Shqipërisë. Tani është bërë hetimi?- shkruan Ngjela.

Sipas avoktatit këtë tronditje krimit shtetëror shqiptar ia ka sjellë fakti i ekzistencës së opsionit aktual të anëtarësimit të Shqipërisë në BE. Ngjela analizon se deri më tani nuk kemi një bashkim të Ramës me korrupsionin kundër Perëndimit. Ai shton se nëse Rama do të bashkohet me grupin korruptiv Berisha-Meta, atëhere përmbysja përfundimtare e korrupsionit në Shqipëri do të duhej të bëhej vetëm me revoltë popullore.

?Prisni dhe shikoni! Gjithsesi politikën perëndimore antikorrupsion dhe kundër krimit shtetëror në Shqipëri, shqipëtarët e kane PRO. Dhe kjo nuk është pak. Nuk ka tolerancë perëndimore kundër: Berisha, Meta e kompani. Ky është sukses historik për shqiptarët. Le të shohim dhe një muaj?- e mbyll komentin e tij avokat Ngjela.





Lajmet e fundit nga