web counter
LEXO PA REKLAMA!

SHKARKO APP

E fundit!

x

8 mijë refugjatë hyjnë çdo ditë në Evropë

26 Shtator 2015, 11:33, Kosova & Bota CNA

Zyrtarët e Kombeve të Bashkuara paralajmëruan se vala prej 8 mijë emigrantësh sirianë dhe irakianë në ditë që hyjnë në Evropë nuk duket se do të ndalet.

Koordinatori rajonal i OKB-ës, për refugjatët Amin Awad tha se më shumë se 5 mijë refugjatë mbërrijnë çdo ditë në Greqi.

Organizata Ndërkombëtare për Migrantët ka deklaruar se fluksi pritet të vijojë edhe gjatë dimrit, nëse moti do të jetë i ngrohtë dhe kufijtë do të jenë të hapur.

Më shumë se gjysmë milionë emigrantë, kryesisht nga Lindja e Mesme dhe Afrika, kanë arritur në Evropë gjatë këtij viti.

Ndërkohë Kroacia ka hequr sanksionet e vendosur me Serbinë, duke i thënë fund kështu bllokadës tregtare mes dy vendeve. Ministri i Brendshëm i Kroacisë, Ranko Ostojiq ka thënë se ?të gjitha makinat pavarësisht targave mund të hynë në Kroaci.?

Kriza ka filluar kur Hungaria mbylli kufirin me Serbinë, duke i lënë dhjetëra-mijëra migrantë të bllokuar në Serbi. Më pas ata filluan të lëvizin nëpër Kroaci dhe Slloveni, për të vijuar udhëtimin drejt shteteve veriperëndimore të Evropës.





Lajmet e fundit nga