E fundit!

11:38 Aktualitet

Rrëshqitje dheu në Kodër Currila/ Rrezikohet pallati

Rrëshqitje dheu janë regjistruar në Kodër Currila në orët ...

Dokumenti-ekskluziv dhe ngjarja e plotë/Kush dhe si ja rrasi me shpullë Erion Veliajt?

25 Shtator 2015, 14:09, Aktualitet CNA

Një incident i rëndë ka ndodhur sot në mengjes rreth orës 10.00, në zyrën e kryebashkiakut të Tiranës Erion Veliaj. Mediat raportuan incidentin, se kryebashkiaku ishte gjuajtur me shpullë nga një punonjëse, por vetëm kaq.

Ngjarja e plotë zanafillën e ka tek dokumenti i botuar më poshtë. Burime nga Bashkia Tiranë thanë për citynews.al, se dokumenti i mëposhtëm ju dha sot në mengjës në dorë specialistes të magazinës Violeta Geca, e cila është në varësi të Drejtorisë së Financës në Bashkinë e Tiranës.

Dokukumenti mban numër protokolli 13478 dhe datën 25.08.2015. Sipas kësaj shkrese znj. Violeta Geca njoftohej se i ndërpriteshin mardhëniet në punë dhe për këtë arsye mund të bëntë një takim me Drejtorin e Përgjithshëm të Shërbimeve Mbështëtëse, Znj. Itena Ndroqi, ditën e hënë datë 28 shtator.

Punonjësja e ndodhur përballë këtij fakti, sot në mëngjes ka kërkuar takim në paradhomën e kryebashkiakut Erion Veliaj, dhe më pas ka hyrë pas debatesh në zyrën e këtij të fundit. Ajo i ka kërkuar shpjegime, pse po largohej nga detyra, pasi ishte thjesht një specialiste magazine që mbante një familje me bukë me punën e saj.

Veliaj i kërkon të dalë jashtë nga zyra dhe ti drejtohet gjykatës për këtë problem. Pas rezistencës për të dalë Kryetari I bashkisë të Tiranës ngrihet dhe e kap për krahu Violeta Gecën, për ta nxjerë me forcë nga zyra. Ajo ka reaguar me të dyja duart e saj duke ja plasur të dy shpullat në fytyrë.

Veliaj është përgjigjur duke e goditur në kokë, por menjëherë ka hyrë shoqëruesi i tij, duke e kapur për krahësh dhe duke bllokuar Violetën, e cila në largim e sipër duke reaguar godet edhe shefen e kabinetit.

Për këtë veprim Violeta shoqërohet në komisariatin nr. 1 të policisë në Tiranë, ku është mbajtur për të paktën një orë. Ndërkohë në zyrën e Erion Veliajt është paraiqitur OPGj dhe shefi i Komisariatit nr.1, Veliaj dhe stafi i tij për të fshehur ngjarjen nuk kanë bërë asnjë denoncim dhe kanë kërkuar që Violeta të lirohet.

Për të mbyllur të plotë këtë informacion, i kërkojmë kryebashkiakut që në rast se i bie ndonjë zile e panjohur për të në zyrë, i lutemi të mos përgjigjet pasi është telefoni celular i Violeta Gecës dhe trenda mundësisve me stafin e tij t?ja kthejë zonjës telefonin celular./citynews.al