web counter
LEXO PA REKLAMA!

SHKARKO APP

App Store
Google Play

E fundit!

x

Thaçi: Përçarjet brenda BDI-së do ndikojnë në zgjedhje

23 Shtator 2015, 15:26, Kosova & Bota CNA

Përçarjet brenda BDI-së dhe largimi i zyrtarëve të lartë nga kjo parti dëshmojnë se politika e këtij subjekti nuk ka dhënë rezultate edhe pas 12 vite në pushtet.

Kështu vlerëson kryetari i PDSH-së opozitare, Menduh Thaçi, i cili thekson se pas zgjedhjeve të ardhshme partia e Ali Ahmetit duhet të kalojë në opozitë.

?Përfundimisht, edhe nga brenda konstatohet se ajo politikë nuk ka sukses, ajo strukturë nuk ka sukses, ai program dhe ajo ide janë të gjykuara që të jenë të pasuksesshme. E kam thënë edhe më parë, po e them edhe tani. Zoti Ahmeti tha se do të fitojë, më herët kam thënë se fitoret e tij janë të papërdorshme sepse nuk kemi rezultate. Siç thotë populli, i keqi nuk fiton asnjëherë, i miri fiton ndonjëherë. Mendoj se dëmet e brendshme partiake tek BDI do të shihen dhe nuk do të mund të kalojnë aq lehtë?, deklaroi Thaçi.

Duke folur për zgjedhjet e parakohshme të vitit të ardhshëm, Thaçi tha se pret që komuniteti ndërkombëtar të garantojë një proces korrekt.

?Procesin e shoh të drejtë vetëm me dy kushtet vendimtare që ka vendosur PDSH-ja, që janë rievidentimi i listës zgjedhore përmes shenjave të gishtërinjëve dhe që votimi të jetë elektronik. Ka një qasje më serioze nga bashkësia ndërkombëtare, por pikërisht tani jemi në fazen e negociatave për sjelljen e akteve normative, Kodit Zgjedhor, që zgjedhjet të jenë korrekte?, tha Thaçi.

Thaçi u shpreh i gatshëm për bashkëpunim dhe u zotua se, nëse PDSH-ja fiton në zgjedhjet e ardhshme, në ekipin që do t?i përfaqësojë shqiptarët në qeveri do të ketë vend për të gjitha subjektet opozitare shqiptare.





Lajmet e fundit nga