web counter
LEXO PA REKLAMA!

SHKARKO APP

App Store
Google Play

Holanda bllokon Gjykatën Speciale të Kosovës

23 Shtator 2015, 13:55, Kosova & Bota CNA

Holanda nuk pranon të nënshkruajë marrëveshjen me autoritetet e Kosovës që selia e Gjykatës Speciale të jetë në këtë vend.

Lajmi bëhet me dije nga Gazeta Express, burime të së cilës thonë se autoritetet holandeze po kërkojnë që Kosova së pari të anëtarësohet në Këshill të Europës, në mënyrë që të akuzuarit dhe të dënuarit eventualë të mund të ankohen Gjykatën Europiane për të Drejtat e Njeriut, që është një trup i Këshillit të Europës, ku Kosova nuk është ende anëtare.

Autoritetet kosovare ka vite që thonë se Kosova do të aplikojë për anëtarësim në këtë mekanizëm paneuropian. Çështja e anëtarësimit të Kosovës në KE, mund të shtyjë funksionalizimin e Gjykatës Speciale, e cila supozohej se do të mund të niste punën vitin e ardhshëm duke ngritur aktakuzat e para ndaj ish-pjesëtarëve të UÇK-së, që mund të kenë kryer krime lufte.

Në dhjetor të vitit të kaluar Ministri i Jashtëm Hashim Thaçi kishte thënë se Kosova do të aplikojë për anëtarësimin në Këshillin e Europës në tre muajt e parë të vitit 2015, por kjo nuk ka ndodhur deri më tani.





Lajmet e fundit nga