web counter
LEXO PA REKLAMA!

SHKARKO APP

App Store
Google Play

Raul Kastro, dhurate papes nje kryq me rrema refugjatesh

21 Shtator 2015, 16:40, Kosova & Bota CNA

Një kryq i lartë 2 metra i realizuar nga rremat e emigrantëve që kapërcejnë Mesdheun, është dhurata që Presidenti kubanez Raul Kastro i ka dorëzuar Papa Franceskos gjatë takimit të zhviluar dje në praninë e personaliteteve më të larta të shtetit të Kubës e të Kardinalit të Havanës Jaime Ortega.
Ky kryq është realizuar nga artisti kubanez Alexis Leyva Machado, i njohur me pseudonimin Kcho, e qëndroi i ekspozuar në Palacio de la Revolucion gjatë takimit të Papa Franceskos me Presidentin Kastro.
Në Selinë e Shenjtë në Vatikan gjënden aktualisht dy vepra të artistit Kcho, njëra prej të cilave është një pikturë që prezanton një kryq të formuar nga barkat e emigrantëve, dhuruar në muajin maj të 2015, gjatë vizitës së Presidentit kubanez në Vatikan.
Me këtë dhuratë lideri kubanez shpreh afërsinë e shtetit kubanez me qëndrimin e Selisë së Shenjtë e Papa Franceskos përsa i përket cështjes së emigrantëve.
Dy vjet më parë në korrik të 2013 Papa Francesko në ishullin e Lampeduzës, aty ku zbarkimet e emigrantëve përmes Mesdheut janë cdo ditë e më të shumta, mbajti meshën e tij mbi një altar të ndërtuar me pjesët e mbetura nga anijet e barkat e emigrantëve.
Nga ana e tij Papa Francesko i ka dhuruar Presidentit kubanez një mozaik të shënjtores Virgen de la Caridad del Cobre, shënjtorja mbrojtëse e Kubës.

Pas Kubës, më 22 shtator Papa Francesko do të udhëtoj drejt SHBA, e më 23 shtator pritet të vizitoj Shtëpinë e Bardhë ku do të takohet me Presidentin Barack Obama e do të mbaj fjalimin e parë të tij në tokën amerikane.





Lajmet e fundit nga